Euro nuk ka të ndalur në rënien që ka nisur në tregun e brendshëm. Sipas kursit zyrtar të Bankës së Shqipërisë, një euro u këmbye sot me 123.9 lekë, duke shënuar një rënie të fortë me 0.71 lekë në krahasim me dy ditë më parë. Ky është një tjetër rekord i 10 viteve të fundit, ku euro po tregtohet në nivelin më të ulët që nga janari 2009.

Sot, në një dalje publike, Guvernatori i Bankës së Shqipërisë Genti Sejko tha se situata kjo situatë ka dalë nga parametrat e parshikuara. Por ai nuk përmend pse erdhëm në këtë situatë. “Tregu ka pasur një rritje të sasisë së euros, që ka qenë konstante që nga viti 2015” tha Sejko gjatë konferencës për shtyp. Por po të analizojmë vitin që nisi tronditjen e  monedhës euro e deri më sot, përkon me periudhën kur kultivimi i kanabisit mori hovin.

Policia asokohe  e drejtuar drejtpërdrejt nga ministri Saimir Tahiri goditi kultivimin e kanabisit në Lazarat, kujtojmë verën e vitit 2014. Kjo u shit si një goditje që qeveria Rama 1 i jepte kultivimit të hashashit, po vera e vitit 2014 do të shënonte edhe mbjelljen e kësaj lendë narkotike që përfitimet monetare do ti merrte përgjatë vitit 2015, kohë kur edhe euro nisi të zhvlerësohej në tregun shqiptar. Tani nuk kishte më Lazarat, por e gjithë Shqipëria ishte nmjë Lazarat i madh me parcela. 

Te dhenat dëshmojne se vetëm 3 muajt e pare të këtij viti në Shqipëri hynë 1.7 miliarde euro, të pa justifikuara. Justifikimi i vetëm është kanabisi. Arsyet e rënies së euros shpjegohen edhe ga ekspertët e ekonomisë. Sipas tyre ndikimi i ekonomisë informale, që prej gati dy vjetësh ka rritur në mënyrë graduale fluksin e valutës që hyn në vend dhe në pjesën e parë të vitit po kanalizohet kryesisht përmes ndërtimeve, që janë rritur dukshëm. /55news.al