Importet e naftës, rritje rekord në 4-mujorin e parë 2018, ja arsyet

Hënë, 11 June 2018 08:15

 Importet e karburanteve shënuan rekord historike në katërmujorin e parë të vitit, sipas të dhënave nga Ministria Financave. Nga të dhënat zyrtare, në janar-prill 2018 janë importuar 160 mijë tonë naftë me një rritje 50 për qind nga viti i kaluar. Teksa shihet se importi arriti një rekord historik në sasi të paktën që nga viti 2000, kur ka nisur raportimi i Ministrisë Financave për këtë produkt.

Burimet nga tregu pohojnë se rritja në krahasim me vitin e kaluar erdhi si pasojë e ndalimit të prodhimit vendas, për shkak të mos vënies në punë të rafinerisë, ARMO. Vitin e kaluar prodhimi vendas i naftës zuri rreth 25 për qind të tregut vendas, teksa nafta “Made in Albania” u eksportua edhe në Kosove dhe në Maqedoni.

Por burimet nga tregu pohojnë se, pavarësisht të dhënave zyrtare nga ministria e Financave, konsumi i naftës nuk ka ndryshuar në raport me vitin e kaluar dhe se rritja është në trend normal.
Sakaq ARMO është rivënë në punë kohët e fundit, por nafta e përpunuar nuk është konsumueshme shpjeguan burimet në ARMO.

Karburantet janë furnitori kryesor i buxhetit të shtetit me taksa, ndaj konsumi i produktit paraqet rëndësi për të ardhurat fiskale në buxhet. Vitin e kaluar vetëm nga taksa e qarkullimit ë naftë u arkëtuan 15 miliardë lekë, pa të ardhurat nga TVSH.

Taksat e larta që paguajmë për naftën janë arsyeja kryesore se pse Shqipëria ka çmime kaq të shtrenjta të karburanteve, ku 60% të çmimit e përbëjnë taksat.

Në Shqipëri nafta taksohet si vijon: Akciza, 37 lekë për litër; Taksa qarkullimit, 27 lekë për litër; Taksa karbonit, 3 lekë për litër. Krahas tyre, vitet e fundit në kosto janë përfshirë dhe tarifa e markimit dhe ajo e skanimit, nga 1 lekë për litër secila. TVSH totale arrin në 28 lekë për litër.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...