Skema e grabitjes se 3 milionë eurove të Stacioni i Trenit praktikohet me sukses edhe në Rinas

E Enjte, 11 Prill 2019 15:36

Dy modele e rekorde të reja “integrimi” shpiku, instaloi dhe po zbaton qeverisja “rilindja”: Vjedhjen ligjore të taksave të shqiptarëve me PPP e oligarkëve dhe grabitjen në mes të ditës, në mes të rrugës e ne mes të aeroportit.

Edhe grabitësit e 10 milionë eurove në Rinas (në fakt janë më tepër), duket sikur janë “ekselentë”, të trajnuar në të njëjtën “shkollë”, për grabitje milionash të bankave, jo brenda bankave, por nëpër makina të policive private e në dyer avioni, por që në asnjë rast nuk janë njohur nga policët privatë e të shtetit.
Prova e parë, u dha me sukses, mesditën e 13 shkurtit 2015, me 3 milionë euro të “Union Bank” tek Stacioni i Trenit-Tiranë, të cilat po çoheshin në makinën “Euro-Gjici”, policët e të cilës nuk kishin patur mundësi të reagonin. Akuza të shumta pati nga opozita dhe opinioni qytetar që implikonin firmën. Ne atë të moment nuk punonin as kamerat e tunelit, nëpër të cilin po transportoheshin milionat.
Pas provës së parë në mes të Tiranës, kjo skeme, u transferua e u përsërit me 3.4 milionë euro në datën 30 Qershor 2016, në pistën e Aeroportit të Rinasit, tek dera e avionit, brenda në makinën e policisë private, por policët edhe këtë herë, nuk reaguan e nuk i panë grabitësit
Prova e tretë u dha me grabitjen e realizuar më 10 shkurt 2017, tek Mbikalimi Rinasit, kur makina po transportonte miliona lekë drejt aeroportit, por që nuk mbërritën dot atje, sepse edhe në këtë u zbatua skema qe në rrugë.
Më 9 prill, ditën kur krye-rilindësi Rama, po gëzonte që regjistroi PS për zgjedhjet lokale, u grabitën 10 milionë euro, por ketë herë, grabitësit e veshur si me uniforma e grada si policia Veliu- Lleshaj, i morën thasët brenda në avion, nën nderimin e policisë e cila iu vërsul pasi ikën.
Është koincidencë interesante kjo që po ndodh gjatë pushtetit “rilindja”, sepse sa herë ka zgjedhje lokale e parlamentare, aq herë ndodhin grabitje milionash të bankave, që nisen drejt Rinasit, ose transportohen nëpër banka.
Ndoshta ndodh, pa ndonjë skenar të shefave të pushtetit, mbase ngaqë qeveria dhe policia e kanë mendjen tek votat, por me këtë historinë e vjedhjeve të përsëritura, ka gjetur belaja edhe Edi Ramën, sepse vjedhjet e miliona eurove, po bëhen vetëm sipas modelit të skemës “Euro-Gjici” dhe vetëm, sa herë që Rama kandidon Safet Gjicin dhe për çudi, ai del pa fitore, ndërsa grabitësit me fitore. Pamfleti

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...