Mungesa e tregut, bëri që shumë fermerëve t’iu ngeleshin mollët pa shitur duke u detyruar t’i hidhnin në lumë. Fermerët falimentuan dhe disa prejt tyre filluan të prisnin dhe pemët duke parë mundësinë e kultivimit të produkteve të reja bujqësore në tokat e tyre.

Por, Piro Prroi, i cili është një fermer nga Dvorani i Korçës ka vendosur që rreth 4 kuintalë mollë të pa shitura t’i dhurojë për bamirësi te mensa e të varfërve në Korçë.

Mesa duket ky fermer ka zgjedhur të protestojë ndryshe për mallin e tij të pa shitur.

Sot rreth 100 persona që marrin një vakt ushqimor falas pranë mensës “Shërbesa e dashurisë”, kanë pasur ne menynë e drekës edhe një frut, falë aktit humanitar që bëri fermeri nga Dvorani .