Disa shoferë dhe pasagjerë, në autostradën ‘Arbër Xhaferi’ në Kosovë, konkretisht në urën mbi lumin Lepenc, për kuriozitet dhe për shkak të bukurive që ofron kjo urë, ndalojnë me automjetet e tyre në shiritat emergjentë dhe zbresin nga automjetet për fotografi, madje edhe në grupe, duke rrezikuar sigurinë e tyre por edhe të shoferëve të tjerë.
Ndaj, Policia e Kosovës, Njësia për Kontroll të Autostradave, njoftoi sot se që të parandalojë aksidentet në autostradën ‘Arbër Xhaferi’, ka zbatuar një plan operativ dhe gjatë tri javëve të shkuara ka dhënë 33 gjoba:
28 gjoba ndaj shoferëve për ndalim në autostradë, 5 gjoba për lëvizjen e këmbësorëve në autostradë.