“Die Welt”/ Ballkani në garë armatimesh. Shqipëria lë pas vetëm Kosovën

E mërkurë, 31 July 2019 18:16

A mund të marrë sërish flakë fuçia e vjetër e barotit? Kjo nuk është thjeshtë një fantazi nëse i referohesh një shkrimi të gazetës së madhe gjermane “Die Welt” e cila ka vërejtur një garë të re armatimesh në Ballkan. Duke bërë një pasqyrë të përgjithshme gjeopolitike, gazeta thekson se plani Thaçi -Vuçiç për shkëmbim territoresh dhe popullsish, ende nuk ështc mbi tavolinë.

Kjo mund të ketë efekte të forta domino shkruan gazeta duke përmendur ndarjen e Bosnjes sipas modelit që serbët dhe koroatët ti bashkohen kombeve të tyre, ose të njëjtën gjë për shqiptarët e Maqedonisë.

“Pikërishsht se ide te tilla përmbajnë një potencial për konflikt BE po mundohet ta zbusë këtë debat. Ai nuk është në rend të ditës, megjithëse ShBA nuk janë kundvr një shkëmbimi teritoresh që do sillte destabilitet afatgjatë në rajon” shkruan Die Welt.

Autori i shkrimit  tregon edhe lojën e ekuilibrave politike kur thekson se “NATO përqendrohet kryesisht në Shqipëri, Kosovë dhe Kroaci, Rusia po përqendrohet në Serbi dhe republikën serbe të Bosnjës, Republika Srpska. SH.B.A. ka një nga bazat e saj më të mëdha ushtarake në Kosovë, Camp Bondel. Rusia dëshiron të krijojë një bazë ushtarake në Republikën Serbe të Bosnjës”.

Një vëmendje në shkrim i kushtohet edhe afrimit të Shqipërisë me Kosovën: “Gara e re e armëve është gërshetuar me argumente politike”, shkruan Die Welt. Shqipëria dhe Kosova kanë vendosur për një bashkim doganor dhe po rriten së bashku ekonomikisht. Në Serbi, kjo shihet si një përpjekje për të krijuar një “Shqipëri të Madhe” – një term me të cilin qeveria shqiptare i pëlqen të provokojë”.

Po si renditen shetetet ballkanike në garën e re të armatimeve?

Sipas Die Welt të parët janë grekët që shpenzuan mbi 5.2 miliardë euro në vitin 2018 si buxhet për armatimin.

Më pas vijnë rumunët me 4.6 miliardë euro.

Serbët shpenzojnë 904 milionë euro, diçka më shumë se kroatët që harxhojnë 889 milionë euro.

Shqipëria shpenzon 180 milionë euro, një rritje me 25 përqind me vitin 2017. Kosova shpenzon vetëm 63.3 milionë euro.

Linku i shkrimit origjinal te Die Welt ketu

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...