Italia sjell zyrtarisht faktet e dënimit të Valdrin Pjetrit, Arta Marku pengon hetimin

E Enjte, 03 October 2019 14:41

Drejtësia italiane i ka dërguar Prokurorisë së Përgjithshme letër-porosinë e kërkuar për verifikimin e dënimit në Itali të kryebashkiakut të zgjedhur të dorëhequr, Valdrin Pjetri. Sipas burimeve jozyrtare, letër-porosia ka mbërritur në Prokurori që prej datës 27 shtator dhe i është dorëzuar të hënën prokurorit të kësaj çështjeje, Arben Kraja, i cili për arsye ende të paditura nuk e ka bërë transparente përmbajtjen e saj për publikun.

Shkresa iu dërgua autoriteteve italiane më 14 gusht, ku mes të tjerash kërkohej edhe krahasimi i shenjave të gishtave të Pjetrit, me gjurmët daktiloskopike që u depozituan prej tij në Institutin e Policisë Shkencore.

Dënimi i Pjetrit në Itali u pretendua nga Partia Demokratike, që publikoi disa dokumente që dëshmonin sipas saj arrestimin e zyrtarit socialist për trafik droge, dënimin me 18 muaj burg dhe dëbimin e tij nga shteti fqinj. Sipas selisë blu, Pjetri preket nga ligji i dekriminalizimit pikërisht për shkak të ndalimit të tij në Itali në harkun njëvjeçar 2001-2002, duke shtuar se pas kthimit në Shqipëri, ai nuk ka udhëtuar më në drejtim të shtetit fqinj për tetë vjet me radhë.

Por, në formularin e vetëdeklarimit që Pjetri ka dorëzuar në Komisionin Qendror të Zgjedhjeve (KQZ), nuk rezulton të ketë shënuar dënimin e dhënë ndaj tij nga autoritetet italiane. Në formular, Pjetri ka pasqyruar vetëm qendrimin në qytetin e Firences në periudhën 2001-2002 për kryerjen e studimeve universitare. Ndërsa socialisti iu është përgjigjur negativisht pyetjeve në kategorinë “të dhëna mbi gjendjen gjyqësore të personit”.

Kandidati socialist i dalë nga zgjedhjet vendore monopartiake të 30 qershorit, reagoi ndaj akuzave duke dhënë dorëheqjen, por duke mos pranuar “asnjë faj e përgjegjësi”, pasi sipas tij një ngjarje e hershme, që daton në moshën e të njëzetave, është nxjerrë nga konteksti dhe “rreth saj u ngritën akuza e linçime përtej çdo skrupulli moral e njerëzor”.

Pak ditë pas nxjerrjes së materialeve nga PD-ja që mbështesin pretendimet e ngritura me herët nga kjo forcë politike për të shkuarën e errët të Pjetrit, reagoi edhe kryeministri Edi Rama, i cili mesa duket i sprovuar nga precedentët në radhët e Partisë Socialiste, mohoi të kishte dijeni për të kaluarën kriminale të Pjetrit dhe iu shmang përgjegjësisë së drejtpërdrejtë duke shkruar në “Facebook” se “deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht”. 

Screenshot_16-2.jpgScreenshot_9-4.jpgScreenshot_10-3.jpgScreenshot_11-2.jpgScreenshot_12-2.jpgScreenshot_13-2.jpgScreenshot_14-2.jpgScreenshot_15-2.jpg

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Drama e fëmijëve shqiptarë/ 8-vjeçarja: Ndihmoni shoqen time, është e varfër, i jap bukë në...

Aktualitet

Drama e fëmijëve shqiptarë/ 8-vjeçarja: Ndihmoni shoqen time, është e varfër, i jap bukë në...

Nëse mendojmë se bota e fëmijëve janë vetëm lodrat gabohemi. Ata mendojnë për bashkëmoshataret e tyre. Amina në Fier, vetëm 8 vjeç i është drejtuar emisionit “Shqiptarët për shqiptarët” në...

Shkupi shpreh zhgënjim për mos hapjen e bisedimeve nga BE-ja

Aktualitet

Shkupi shpreh zhgënjim për mos hapjen e bisedimeve nga BE-ja

Dështimi për marrjen e datës në takimin e drejtuesve të vendeve anëtare të Bashkimit Evropian në Bruksel, u prit me zhgënjim në Shkup. Kabineti qeveritar i zotit Zaev ka njoftuar...

Tragjedi e dyfishtë/ I riu katër ditë i zhdukur, i vdes edhe babai

Aktualitet

Tragjedi e dyfishtë/ I riu katër ditë i zhdukur, i vdes edhe babai

Një familje shqiptare në Lipjan të Kosovës është goditur nga një tragjedi e dyfishtë brenda pak ditësh. Katër ditë pasi Shqipdon Aliu, 23 vjeç, ishte zhdukur, ka humbur jetën edhe...

Sondazh

Nothing found!

Sondazh

Nothing found!