Dita europiane kundër trafikimit të qenieve njerëzore ka bërë bilancin e fenomentit në Lezhë. Në këtë qark ka patur tre raste të tentativës së trafikimit të femrave gjatë dy viteve të fundit.

Drejtorja e Shërbimit Marte Fetaj thotë se viktima të trafikimit janë kryesisht minorene që jetojnë në zonat rurale.

Marte Fetaj: Në përgjithësi janë minorene dhe sidomos vajzat e zonave rurale, të cilat nuk janë të mirë arsimuara, por kjo nuk do të thotë që edhe gjimnazet e qytetave nuk janë të prirura. Sa më shumë po forcojmë ligjet aq më shumë trafikantët po gjejnë shtigjet.

Drejtuesit e institucioneve kërkuan bashkëpunim me njeri -tjetrin për të parandaluar rastet e trafikimit.

Gjok Jaku: Si një trup i vetëm të mund të bashkojmë forcat, vullnetet, enërgjinë, të ushtrojmë funksionin tonë, që këto grupe kriminale, apo individë të mos gjejnë terren që këtë dukuri ta kthejnë në modë dhe në ushqimin e tyre.

Në qytetin e Lezhës u zhvillua edhe një marshim kundër fenomenit.