Serbia mbështet shqiptarinë pa kufij, por me kryeqytet Beogradin

Hënë, 11 November 2019 20:06

Nga Kim Mehmeti /
Që nga Mbreti Zog e këtej, thuajse të gjithë burrështetasit shqiptarë, nuk kanë arritur asgjë më shumë se të bëhen o shërbëtorë të Athinës, o të Beogradit.

Mbase pse shumica e tyre kanë ardhur në pushtet si të pëlqyerit e këtyre dy qendrave ose pse, sa herë që u është rrezikuar froni i sunduesit, ata i janë përkulur flamurit serb apo atij grek.

Pra shkaku se kanë sunduar nën flamurin kuq e zi, por jo rrallëherë, për të mbetur në pushtet, i janë gjunjëzuar atij serb, apo grek.

Nga ky këndvështrim duhet vlerësuar dhe shpjeguar edhe angazhimin e Piktorit të ‘Rilindjes’ për ta realizuar idenë serbe për ‘Shengenin Ballkanik’. Ide e huazuar nga e Titoja për ‘Federatën Ballkanike’, e që të dyja së bashku, janë emërtime të koduara për realizimin e ‘Serbosllavisë’.

Ne shqiptarët qe kemi jetuar ne ish Jugosllavi, i njohim mire projektet e dala nga ‘atelietë’ e Akademisë Serbe, e cila e mbështet edhe shqiptarinë pa kufij, por vetën si pjesë të ‘Serbosllavisë, dhe vetëm nëse shqiptaria e pranon Beogradin si kryeqytet të fatit të vet kolektiv. Gjë të cilën siç duket Piktori i ‘Rilindjes’ e ka pranuar në emër të të gjithë shqiptarëve?!

Kuptohet, duhet të jesh krye idiot që të të pengojë bashkëpunimi rajonal mes popujve dhe shteteve të Ballkanit, përfshi edhe atë shqiptaro –serb. Duhet të jesh edhe mosbesues i sëmurë që të dyshosh në çdo gjë që vjen nga qendrat e shteteve fqinje.

Por, gjithashtu, duhet të jesh pervers politik që bashkëpunimin shqiptaro-serb ta realizosh me ‘vuçiqat” e dalë nga kapota e Millosheviqit, me ata që ‘Kasapin e Ballkanit’ nuk e mallkojnë pse i përgjaku këto hapësira, por pse i humbi betejat, pse nuk e realizoi projektin e ‘Serbisë së Madhe’ dhe pse nuk i shfarosi shqiptarët e këtushëm dhe myslimanët e Bosnjës.

Pra duhet të jesh i pa pjekuri kombëtarisht dhe i pandjeshëm ndaj fatit të popullit tendë, që mos të të pengojë trau kufitarë në Morinë, Bllacë. Moriçan..., pra te mos të të pengojnë tratë e vendkalimeve kufitari që ndajnë shqiptarët nga shqiptarët, ku pritet me orë të tëra, e të duash ta fshish kufirin mes shqiptarisë e Serbisë?l

Duhet pra të kesh probleme të mëdha me vetveten që të mos merresh me ‘Shengenin Brendashqiptarë’, por me shlyerjen e kufijve shqiptaro-serbe. Me çka popullit tendë do ia përcjellësh porosinë se bashkimin i tij kombëtarë kalon nëpërmjet Beogradit dhe se ai bashkim është i pamundur pa mbështetjen e Serbisë!?

Dhe përpos pervers duhet të jesh edhe injorant politik që të mos e kesh kuptuar se Serbia e sotme e ka në duar stabilitetin e pesë shteteve të Ballkanit: atë të Bosnjën, nëpërmjet 'Republika Serpska', atë të Kosovës nëpërmjet ‘Zajednicës’, atë të Malit të Zi nëpërmjet serbëve të atjeshëm dhe atë të Maqedonisë, që ishte dhe mbeti filiali politikë i Beogradit!

Pra të mos e kuptosh se për ta realizuar ‘Ballkanin e Bashkuar’ me kryeqytet Beogradin, Serbisë së sotme i mungon vetëm Shqipëria.

Por sidoqoftë, autori i këtij teksti ka një porosi: mos u merrni me këtë ide, sepse edhe Piktori i ‘Rilindjes’ atë e vlerëson vetëm nëpërmjet numrit të emisioneve debative që ajo do i nxit në Tiranë. Si dhe nëpërmjet intervistave të tij të dhëna nëpër televizionet serbe, ku atë do e shpërfaqin si politikan mendjehapur. Me çka do mundohet ta mbulojë projektin e vetëm që është duke e realizuar: kriminalizimin e shoqërive shqiptare!

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...