Mëngjesin e sotëm, një byrektore është përfshirë nga flakët e zjarrit, ku për pasojë ka mbetur i plagosur lehtë pronari i byrektores. Policia raporton se shkak është bërë rrjedha e gazit.

Ngjarja ka ndodhur në zonën e ish-Bllokut në kryeqytet, duke shkaktuar edhe dëme materiale.

Zjarrfikësit kanë bërë të mundur fikjen e zjarrit.

Ndërkohë policia ka nisur hetimet për zbardhjen e shkaqeve të rënies së zjarrit.

Deklarata e policisë:

Me datë 08.04.2018 rreth orës 07:00, në Sallën Operative ka ardhur një telefonatë se në rrugën "Ibrahim Rugova", në një pikë shitje ra zjarr.

Menjëherë në vendngjarje kanë shkuar shërbimet e Policisë dhe Zjarrëfikësja, te cilat kanë konstatuar se në një byrektore kishte rënë zjarr.

Shkak paraprakisht dyshohet rrjedhja e gazit. Për pasojë është dëmtuar pronari i subjektit shtetasi Sh.P. 50 vjeç, i cili ndodhet në spital jashtë rrezikut për jetën.

Grupi hetimor po punon për zbardhjen e plotë të shkaqeve që shkaktuan ngjarjen.