Knut Fleckenstein, nëpërmjet një statusi në “Facebook” ka shprehur opinionin e tij për të hapur negociatat me Shqipërinë.

Anëtari i Parlamentit Europian, nënvizon faktin, se ka mbetur i mahnitur nga dëshira e të rinjve për ta çuar Shqipërinë më pranë BE-së.

Statusi i plotë i Fleckenstein: 

Javën e kaluar vizitova sërish Shqipërinë. Konkluzioni im është i qartë: Ne duhet të hapim menjëherë negociatat me këtë shtet. Progresi është bërë, por mendoj edhe shumë punë ka për të bërë, pa dyshim. Jam vërtetë i inkurajuar nga të rinjtë që takova në Tiranë, në shkollë, në qendrën sociale, Bregu i Lumit dhe në Universitetin e Durrësit. Ata të gjithë duan mbështetjen tone për të sjellë Shqipërinë më pranë Europës. Ne mund të kemi opinione të ndryshme, në lidhje me shumë vendime politike, por me këta të rinj në Tiranë, është vërtetë me vlerë të punosh.