Muzeu, aktivitet mbi shpëtimin e hebrenjve nga familjet shqiptare

E mërkurë, 01 May 2019 12:40

Seminarin me titull “Whosever saves a single life, saves an entire universe” solli në vëmendje shqiptarët në shpëtimin e hebrenjve. Në ambientet e Muzeut Historik Kombëtar së bashku me shoqatën e mësuesve të historisë dhe muzeumin Yadvashem në Tel Aliv u zhvillua seminari, ku në fokus të tij ishte historia e një familje shqiptare, që ka kontribuar në shpëtimin e hebrenjve. Në hapjen e aktivitetit ishin të pranishëm ambasadori i Izraelit në Tiranë, zoti Boaz Rodkin, drejtori i Institutit të Trashëgimisë Shpirtërore e Kulturore të Shqiptarëve në Shkup dr. Skënder Asani, dr. Efrat Kedem Tahar këshilltare për emigracionin dhe integrimin, si dhe shumë mësues e të ftuar të tjerë. Muzeu Historik Kombëtar shkruan se së bashku me ambasadorin e Izraelit në Tiranë, z. Boaz Rodkin u theksua rëndësia dhe veçantia e ngjarjes, ku përgjatë luftës 2000 hebrenj kërkuan strehim në Shqipëri. “Shumica e hebrenjve u trajtuan mirë nga popullata lokale shqiptare, pavarësisht faktit se vendi ishte i pushtuar së pari nga Italia fashiste, dhe pastaj nga Gjermania naziste. Shqiptarët, me traditën e mirënjohur të tyre të mikpritjes të njohur si besa, shpesh strehuan refugjatët hebrenj dhe shpëtuan shumë prej tyre nga ferri nazist”, bën me dije Muzeu Historik Kombëtar për këtë seminar. Shqipëria kishte rreth 200 hebrenj në fillim të Luftës së Dytë Botërore. Ajo më pas u bë një strehë e sigurt për disa qindra refugjatë hebrenj nga vende të tjera. Hebrenjtë në Shqipëri mbaheshin të mbrojtur nga popullata vendase dhe kjo mbrojtje vazhdoi edhe pas pushtimit të Shqipërisë nga forcat naziste, pas kapitullimit të Italisë më 1943. Më 7 prill 1939, Italia pushtoi dhe aneksoi Shqipërinë. Hebrenjtë u dëbuan nga qytetet e porteve bregdetare dhe u shpërngulën në brendësi të Shqipërisë, por në fund të luftës, Shqipëria kishte një popullsi prej 2.000 hebrenj. Gjatë sundimit komunist të Shqipërisë nën diktaturën e Enver Hoxhës, komuniteti hebre ishte i izoluar nga bota hebrenje, edhe pse kjo nuk reflekton masa anti-hebraike. Pas rënies së komunizmit, në vitin 1991, pothuajse të gjithë judenjtë të Shqipërisë emigruan në Izrael dhe u vendosën kryesisht në Tel Aviv.  

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

VIDEO/ Film 'horror': 3 km mes frikës e gjakut, pronari i lokalit mbi makinën në ecje të turistëve spanjollë

Aktualitet

VIDEO/ Film 'horror': 3 km mes frikës e gjakut, pronari i lokalit mbi makinën në ecje të turistëve spanjollë

Dalin pamjet e tmerrshme të sulmit ndaj turistëve spanjollë në Porto Palermo nga pronari i një lokali, Mihal Kokëdhima. Pamjet nuk kanë nevojë për koment. Dje, Policia e Sarandës i ka...

Interi në hall, për Ikardin mbetet vetëm Napoli ose… Juventusi!

Sport

Interi në hall, për Ikardin mbetet vetëm Napoli ose… Juventusi!

Rinovimi i Edin Xhekos me Romën ishte një goditje për Interin, pasi komplikon shumë planet e zikaltërve në merkato. Interi shpresonte shumë që të mbërrinte te boshnjaku duke futur në...

Merr fund i nxehti afrikan, bëhuni gati për reshje shiu

Aktualitet

Merr fund i nxehti afrikan, bëhuni gati për reshje shiu

Pas të nxehtit afrikan, moti në Europë do pësojë disa ndryshime të mëdha. sipas metereologut të Accuweather, Tyler Roys, shtatori do të sjellë reshje shiu në Ballkan. Sistemet e motit të...

Sondazh

Nothing found!

Sondazh

Nothing found!