Gazmend Leka çel ekspozitën personale në Shkodër, prezantohen 43 vepra

Tuesday, 14 May 2019 11:32

Piktori Gazmend Leka ka çelur në galerinë e qytetit të Shkodrës ekspozitën e tij personale me 43 vepra në pikturë, që i takojnë pesë cikleve të punuar prej tij. Vepra nga ciklet “Black box”, “Lutja”, “Molla”, “Natura Morta” dhe “Totemi” janë prezantuar për publikun. Çdo sallë prezanton veprat e një cikli në pikturë, dhe piktori Gazmend Leka shprehet se janë të shoqëruara dhe me tekstin kuratorial. “Prezantoj piktura të viteve të fundit, të organizuara në cikle, pasi galeria e Shkodrës më ndihmon të ekspozohem në këtë mënyrë me 5 sallat e saja të mëdha dhe të mbajtura mirë nga përkujdesja e stafit. Çdo sallë, prezanton veprat e një cikli të veçantë. Ato janë të shoqëruara nga teksti kuratorial, ruajtur nga ekspozitat e çelura ndër vite në Tiranë”, shprehet piktori. Sipas tij përmes kësaj ekspozite ka dashur që publiku shkodran, të njihte sadopak  rrugën në të cilën ka kaluar këto vitet e fundit. Por ai thekson se është ndër ekspozitat më të mëdha, që ka bërë në aktivitetin e tij. “Cikli i vizatimeve “Black box” dhe cikli “Natura Morta” shfaqen pothuajse të plotë, pasi janë koleksion i familjes. Disa vepra nga cikli “Totemi”, janë ende të panjohura për publikun, pasi nuk i kam prezantuar as në Tiranë, në ekspozitat e përvitshme. Besoj se është një ndër ekspozitat më të mëdha që kam bërë në gjithë jetën time artistike. Shfaqem i plotë përpara publikut të kulturuar shkodran, përpara miqve dhe mbi të gjitha, përpara studentëve të mi shkodranë që kam përcjellë gjatë 30 viteve, në atelietë e Akademisë së Arteve”, tregon më tej piktori Gazmend Leka. I njohur dhe i vlerësuar me artin e tij ndër vite, piktori Gazmend Leka shprehet se për herë të parë ndodhet në Shkodër me një ekspozitë personale, me ftesë të galerisë së qytetit dhe me mbështetjen e Bashkisë së Shkdorës. “Drejtori i institucionit të rëndësishëm të kulturës, z. Fatmir Juka, disa muaj më parë bisedoi me mua dhe më ftoi të ekspozohesha, për ta futur ekspozitën në kalendarin vjetor të vitit 2019. Stafi i vogël i galerisë, u angazhua profesionalisht për të ma bërë më lehtë prezantimin, me vënien në dispozicion të të gjitha sallave, me ambalazhimin e veprës, transportin, ftesat, posterin etj. I përmend këto njëra pas tjetrës, pasi nuk është e zakonshme për galeritë e rretheve, të të japin këtë mbështetje”, tregon piktori.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Aksidenti në Elbasan/ Të plagosurit rëndë, me urgjencë drejt Tiranës

Kronikë

Aksidenti në Elbasan/ Të plagosurit rëndë, me urgjencë drejt Tiranës

Dy të plagosurit e aksidentit në Paper të Elbasanit, që mbetën të bllokuar në mjet, janë transportuar drejt spitalit të Traumës në kryeqytet, për ndihmë mjekësore të specializuar. Burime policore thanë...

Kriza, reagon PLL, Shpëtim Axhami: S’ka rëndësi data e zgjedhjeve, por standardet dhe pa Ramën kryeministër

Politikë

Kriza, reagon PLL, Shpëtim Axhami: S’ka rëndësi data e zgjedhjeve, por standardet dhe pa Ramën kryeministër

Partia Lëvizja e Legalitetit përmes një deklarate sot komenton zhvillimet politike në vend si dhe ndalet tek kriza që ka mbërthyer vendin. Në deklaratën shpërndarë për mediat kreu i PLL...

Salvini: Nuk kemi marrë financime të fshehta nga Rusia

Globi

Salvini: Nuk kemi marrë financime të fshehta nga Rusia

Zëvendëskryeministri i Italisë, Matteo Salvini, hodhi poshtë pretendimet se partia e tij populiste është përpjekur të marrë financime të fshehta nga Rusia. Ai ndërkohë ka shtuar komentet në mbrojtje të...

Sondazh

Nothing found!

Sondazh

Nothing found!