Pullumb Agalliu, në Prishtinë me premierën “O moj Shqipëri”

E mërkurë, 12 June 2019 13:47

Baleti Kombëtar i Kosovës, me rastin e 20 vjetorit të çlirimit të Kosovës solli në skenë premierën “O moj Shqipëri”, nën koreografinë e Pullumb Agalliut. Me një aktivitet të vlerësuar me baletin në skena të ndryshme këtë herë koreografi i njohur nga Shqipëria solli premierën me trupën e baletit të Kosovës në Teatrit Kombëtar në Prishtinë. Premiera sipas koreografit të njohur Agalliu është ndarë në tri pjesë. “Pjesa e parë është Shqipëria e lumtur, pjesa e mesme është Shqipëria gjithmonë na kanë copëtuar dhe pjesa e tretë është çlirimi, formimi i dal nga gjiri i popullit, Ushtrisë Çlirimtare dhe pjesa që është si mbyllje, ndihma që na ka dhënë NATO në çlirimin e plotë”, është shprehur më herët koreografi i njohur Pullumb Agalliu. Sipas tij, trupa e baletit e ka treguar disa herë që me talentin dhe mundin di të jap shfaqje dinjitoze. E tillë ishte dhe shfaqja e radhës në skenën e Teatrit Kombëtar të Kosovës, që erdhi nën titullin “O moj Shqipëri”. Nuk është hera e parë që koreografi Agalliu sjell në skenë shfaqje me trupën e baletit në Kosovë, por prej vitesh aktiviteti i tij artistik zhvillohet në Azerbajxhan. Koreografi kryesor i teatrit Akademik të Operës dhe Baletit në Baku të Azerbajxhanit, si dhe pedagog i Akademisë Koreografike, Pullumb Agalliu ka marrë shumë vlerësime në këtë vend për punën e tij. Në skenën e Azerbajxhanit ka vënë vepra të ndryshme, të cilat janë mirëpritur nga publiku dhe po aq me rëndësi është dhe puna me studentët. Në prill të vitit 2016 koreografi Pullumb Agalliu erdhi në skenën e Teatrit të Operës dhe Baletit në Tiranë pas 20 vitesh me një vepër baleti. Ishte vepra “Netët Arabe”, që u interpretua nga trupa e baletit të Kosovës, e cila rrëmbeu këtë herë duartrokitjet në Tiranë. Atë kohë koreografi Agalliu u shpreh se e gjithë atmosfera se si u përcoll kjo shfaqje baleti i dhuroi shumë kënaqësi. “Kjo vepër i përshtatet dhe vendit tonë, ka muzikë orientale që është shkruar nga një kompozitor i njohur rus Fikiret Amirov. Kjo vepër shfaqet në 30 vende të botës, por unë vetë e kam specifikuar për trupën e Kosovës. E falënderoj gjithë publikun që erdhi dhe e ndoqi këtë vepër në TOB. Emocione, por ishte një kënaqësi e madhe pas kaq vitesh, që kisha munguar”, pohoi Agalliu.

bal1.jpg

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Tabaku: KiE vendim të paprecedent, Rama vijon realitetin paralel

Politikë

Tabaku: KiE vendim të paprecedent, Rama vijon realitetin paralel

Ish-deputetja e PD Jorida Tabaku me anë të një statusi në rrjetin social “Facebook” shkruan se Këshilli i Europës ka marrë një vendim të paprecedent që të mos ndjekë nga...

Kryebashkiaku i Kamzës Xhelal Mziu fton  qytetarët: Të bashkuar t'i themi 'Stop' Krimit!

Politikë

Kryebashkiaku i Kamzës Xhelal Mziu fton qytetarët: Të bashkuar t'i themi 'Stop' Krimit!

Kryetari i Bashkise se Kamzës Xhelal Mziu i bën thirrje të gjithë qytetarëve të bashkohen për t’i thënë “Stop Krimit”, në mbrojtje të institucioneve publike, Kushtetutës dhe lirive e të...

42 të arrestuar për trafikimin e mbi 1,5 ton drogë në BE, kreu i grupit kapet në Shqipëri

Aktualitet

42 të arrestuar për trafikimin e mbi 1,5 ton drogë në BE, kreu i grupit kapet në Shqipëri

42 persona janë arrestuar si pjesë e një operacioni masiv policor të shtrirë në Shqipëri dhe gjashtë shtete të Bashkimit Europian. Në Shqipëri, është vënë në pranga në Shkodër një...

Sondazh

Nothing found!

Sondazh

Nothing found!