“Korça Short Film Fest”, 50 filma në konkurrim nga 27 vende

Tuesday, 09 July 2019 16:12

“Korça Short Film Fest 2019” këtë vit sjell 50 filma të shkurtër në konkurrim nga 27 vende të ndryshme të botës. Filmat shqiptarë dhe të huaj do të shfaqen gjatë pesë ditëve të festivalit, që u çel mbrëmë në ambientet e teatrit “Andon Zako Çajupi” të Korçës, por dhe në sheshin e kullës panoramike. Drejtori artistik Gledis Bica shprehet se festivali në edicionin e tij të dytë këtë vit ka pasur rreth 800 aplikime filmash nga shtete të ndryshme të botës, dhe mes tyre janë përzgjedhur 50 që janë dokumentarë, animacion dhe fiction. Sipas tij, temat që trajtojnë filmat në festival janë nga më të ndryshmet. “Janë tema sociale, politike, por ka edhe filma komedi. Por pjesa më e madhe në këtë edicion të dytë të “Korça Short Film Fest 2019” janë me temë sociale dhe drama jetësore. Për këtë edicionin të festivalit, që ne e zhvillojmë në qytetin e Korçës kanë qenë rreth 800 filma që aplikuan dhe u përzgjodhën 50 nga 27 vende të botës”, tregon drejtori artistik i festivalit Gledis Bica. Filma të shkurtër nga vende të ndryshme të botës do të shfaqen gjatë ditëve të festivalit, por këto prodhime të kinematografisë janë në konkurrim në garën kombëtare dhe ndërkombëtare. Drejtori artistik Gledis Bica shpjegon se në garën kombëtare është si rregull që skenaristi dhe regjisori duhet të jenë shqiptarë, edhe pse mund të jetë filmi me gjuhë të huaj. “Janë 50 filma nga vende të ndryshme të botës. Janë shtatë filma në garën kombëtare, që janë filma shqiptarë ose nga autorë shqiptarë. Janë kineastë shqiptarë dhe kemi filma nga Shqipëria dhe Kosova, që janë në garën kombëtare, por dhe nga autorë shqiptarë që jetojnë Shqipërisë. Në garën kombëtare është si rregull që regjisori dhe skenaristi duhet të jenë shqiptarë, që mund të jenë film shqip folës, por dhe film ta zëmë në gjermanisht, por autorët shqiptarë. Kompeticioni shqiptar është veç për filmat shqiptarë, por të njëjtët filma garojnë dhe në garën ndërkombëtare”, tregon më tej drejtori i festivalit Gledis Bica.

Programi special “Focus Austria” çeli këtë edicion. Një program i mundësuar nga Ambasada e Austrisë në Tiranë. znj. Doris Bauer, drejtoresha e VIS Vienna Shorts prezantoi këtë projekt. Festivali “Korça Short Film Fest 2019” nisi mbrëmë edicionin e dytë në qytetin e Korçës, por jo vetëm filmat do të jenë në ditët e tij. Drejtori Gledis Bica shprehet se do të ketë dhe diskutime të ndryshme. “Në ditën e dytë do të zhvillohet një diskutim te muzeu “Gjon Mili” në Korçë, ku do të ketë përfaqësues dhe nga festivali i Vjenës”, pohon ai. Risia e këtij viti është dhe program VR Competition. Filmat Virtual Reality do të mund te shihen nëpërmjet syzeve VR, dhe hyrja do të jetë e lirë për të gjithë. Ditën e premte më 12 korrik do të ndahen çmimet për filmat më të mirë. Kids Program është program i fëmijëve në kuadër të festivalit, i cili u zhvillua mes datave 2-4 korrik, dhe ku 60 fëmijë morën pjesë në një seri workshopesh, duke u njohur me teknikat e ndryshme të animacionit dhe duke realizuar disa filma të animuar. “Korça International Short Film Fest” është mbështetur nga Bashkia Korçë, Ministria e Kulturës, Ambasada Franceze, Ambasada Austriake, Teatri Korçë, Aleanca Franceze Korçë, Qendra Rinore Korçë, Clermont-Ferrand Film Fest, VIS Vienna Shorts. “Korça Short Film Fest 2019” është vazhdim i “First Step Film Festival”, që zhvilloi katër edicione ndër vite.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

‘Punësimet tufa-tufa të Rilindjes në administratë atentat ndaj hapjes së negociatave’

Politikë

‘Punësimet tufa-tufa të Rilindjes në administratë atentat ndaj hapjes së negociatave’

Bundestagu gjerman pritet ti vendosë Shqipërisë një tjetër kusht për hapjen e negociatave. Kushti i ri lidhet me Reformën në Administratën Publike. Ligji për nëpunësin civil ishte kusht 6 vite...

LSI: Tryezë politike para 18 tetorit, mund të prodhojë edhe dorëheqjen e Ramës!

Politikë

LSI: Tryezë politike para 18 tetorit, mund të prodhojë edhe dorëheqjen e Ramës!

Teksa kreu i LZHK-së, Dashamir Shehi foli dje për një platformë të PD-së prej 5 pikash për zgjidhjen e krizës, sekretari i Përgjithshëm i LSI-së, Endrit Braimllari tha se ajo...

Vdesin dy pacientë brenda javës në spital, ja pse akuzohet doktori mik me Taulant Ballën

Aktualitet

Vdesin dy pacientë brenda javës në spital, ja pse akuzohet doktori mik me Taulant Ballën

Një ngjarje e rëndë ka ndodhur në Spitalin e Përrenjasit, ku mësohet se dy të sëmurë kanë ndërruar jetë nga ilaçet e skaduara. Denoncimin e ka bërë publik një qytetar që...

Sondazh

Nothing found!

Sondazh

Nothing found!