×

Warning

JUser: :_load: Unable to load user with ID: 44

SHKUP/ Ekspozitë për 100-vjetorin e lindjes së Ibrahim Kodrës

E Enjte, 26 Prill 2018 20:02

Galeria kombëtare e Maqedonisë njoftoi sot se kishte nderin dhe kënaqësinë e veçantë të prezantonte ekspozitën “100 vjet nga lindja e Ibrahim Kodrës”, që do të realizohet në bashkëpunim me Galerinë Kombëtare të Kosovës.

Ibrahim Kodra u lind më 22 prill 1918, në Ishëm të Shqipërisë, dhe vdiq më 7 shkurt 2006 në Milano.

Ishte artist shqiptar i njohur botërisht duke shkuar nga Shqipëria në Milano dhe në Romë, ku zhvilloi krijimtarinë e tij në akademinë botërore të artit figurativ ”Brera”.

Atje krijoi, shoqëroi dhe ekspozoi me emrat më të njohur të artit botëror të asaj kohe si Pikaso, Matis, Modiljani, Ruo, Brak, Miro, Kokoshka dhe të tjerë, ndërsa në Milano ka përpunuar disa afreske për muzetë dhe ndërtesat më të njohura.

Kodra vazhdoi të ekspozonte në shumë qendra të artit në botë Nju-Jork, Tokio, Palermo, Shtutgart duke arritur një sukses të madh.

Veprat e tij artistike, të krijuara me ndikime post-kubiste, janë pasuruar me reminishenca të traditës së vendlindjes së tij, Bizantit dhe takimet me kulturat e detit Mesdhe. Veprat e tij artistike gjenden në shumë muze dhe përmbledhje private siç është Muzeu i Vatikanit.

Kjo paraqitje e krijimtarisë të këtij artist shqiptar të njohur, i cili ka ekspozuar dhe bashkëpunuar me më shumë emra botërorë që kanë shënuar rrjedhën e artit modern dhe bashkëkohor në Evropë dhe në botë, do të përfshijë vepra nga periudha të ndryshme të krijimtarisë së Ibrahim Kodrës.

Në ekspozitë do të shfaqen vepra nga koleksioni i Galerisë kombëtare të Kosovës dhe fondacionit “Ibrahim Kodra” nga Milano.

Ekspozita do të hapet më 12 maj 2018 dhe do të qëndrojë e hapur deri më 12 qershor 2018.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...