Kristaq Mitro: Ministria e Kulturës e QKK të rikthejnë festivalin mbarëkombëtar të filmit shqiptar!

Premte, 04 May 2018 16:39

Festivali i filmit shqiptar është harruar nga institucionet, nuk po kujtohen që tradita e tij ka nisur që në vitin 1976. Festivali i 13 i filmit shqiptar u zhvillua në nëntorin e viti 2012, por që nga ajo kohë e deri tani në 2018 sipas kineastëve të njohur askush nuk është kujtuar për festivalin. Ata pohojnë se është përgjegjësi kryesore e Ministrisë së Kulturës, e cila duhet të mendonte organizmin e tij. Me kritika të ashpra regjisori i njohur Kristaq Mitro pohon se nëse përmendet festivali i filmit shqiptar, në Ministri të Kulturës as duan t’ia dinë. “Festivali i fundit u zhvillua në 2012, më pas nuk përmendet. Është koha për festivalin mbarëkombëtar të filmit shqiptar. Ministria e Kulturës duhet të ndihmojë QKK të zhvillojë një festival filmi të tillë, sepse ai nuk duhet të bëhet me buxhetin e qendrës. Nuk mundet dot vetë QKK ta zhvillojë  festivalin ku të jenë pjesëmarrës dhe filma me regjisorë shqiptarë nga Kosova apo dhe Maqedonia. Por pyetja ime është a e bën dot kjo ministre Kulture festivalin? Ministrja që nuk do ta dëgjojë, jo më ta shikojë filmin shqiptar me sy? Dihet çfarë ka bërë deri tani ministrja për artin, asgjë. Ministresha nuk ka fare ndërmend të merret me filmin shqiptar. Edhe se njeh në fakt nuk ka faj”, pohon regjisori Mitro në reagimin e tij. Kineastët shqiptarë që ndër vite në ekranin e kinemasë kanë prezantuar filmat shqiptarë pohojnë se një festival i tillë do ti shërbente kinematografisë shqiptarë  dhe për të parë nivelin e filmit. “Ministresha teatrin e shkatërroi, jo më të njohë dhe filmin. Puna është që nëse nuk ke histori nuk të përfill më njeri. Një festival filmi shqiptar, një festival mbarëkombëtar është i munguar, duhet të ishte zhvilluar. Festivali sjell një ballafaqim dhe shikohet se ku jemi me filmin shqiptar. Tani flitet vetëm në kafene lart e poshtë dhe nuk ka as kritikë. Mund të grumbullohen njerëzit të flasin, të thonë një mendim , një opinion ”, pohon regjisori i njohur Kristaq Mitro. Sipas tij duhet të mendohet për një festivali filmi dinjitoz. “Besoj nga festivali i fundit deri tani mund të ketë rreth 30 filma artistë të gjatë e të shkurtër. Por dhe nga këta duhet të zgjedhësh duhet seleksionim dhe nivel. Jo një festival sa për të kaluar radhën, por për të parë ku jemi, ku kemi dështime, çfarë mund të bëhet më mirë.”, pohon regjisori Kristaq Mitro.

Me të njëjtin mendim është dhe regjisori Saimir Kumbaro. Kritikat ndaj Ministrisë së Kulturës për festivalin dhe filmin shqiptar janë dhe nga regjisori Kumbaro. “Kanë kaluar disa vite, madje duhet të ishte zhvilluar më herët festivali kombëtar i filmit. Ministria e Kulturës ç’të thuash? Një gjë që ka bërë mirë për artistë dhe kineastët nuk kemi. Festivali krijonte ndjenjën e garës, rriste ambicien profesionale, rriste cilësinë e filmit etj. Unë tani jam për një festival filmi mbarëkombëtar që të kemi të ftuar dhe Kosovën, por pse jo dhe ata që janë me regjisorë shqiptarë nga Maqedonia”, pohon regjisori Saimir Kumbaro. Më tej ai vijon se në traditën e tij festivali i filmit shqiptar ka qenë i përcaktuar për zhvillimin sipas viteve, por me ndërrimin e sistemit filluan problemet. “Festivali para viteve ‘90 zhvillohej një herë në dy vjet, vijoi një herë në tre vjet dhe më pas një herë në 4 vjet. Në vitin 2012 ishte i fundit, por tani jemi në 2018 dhe askush nuk kujtohet. Festivali duhet të bëhet nga Ministria e Kulturës sepse formula e zhvillimit gjendet, por kush e ka menduar, asnjë. Një ministre që nuk do t’ia dijë se çfarë ndodh. Destinacioni i festivalit të jetë i përcaktuar”, pohon regjisori Saimir Kumbaro.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Alibeaj: Saimir Tahiri arrestoi për një cigare hashash të riun, që vari veten

Politikë

Alibeaj: Saimir Tahiri arrestoi për një cigare hashash të riun, që vari veten

Ish-deputeti i Partisë Demokratike, Enkelejd Alibeaj i ftuar në studion e lajmeve në RTV Ora u shpreh se vendimi i dhënë nga Gjykata për ish-ministrin Saimir Tahiri nuk ishte surprizë...

Kurti për gazetën sllovene: Kufiri i Kosovës me Shqipërinë është kufiri i Jugosllavisë, jo shqiptar

Bota Shqiptare

Kurti për gazetën sllovene: Kufiri i Kosovës me Shqipërinë është kufiri i Jugosllavisë, jo shqiptar

Javës tjetër një fushatë parazgjedhore fillon para zgjedhjeve të parakohshme parlamentare në Kosovë që mbahen më 6 tetor. Udhëheqësi i Lëvizjes Vetëvendosje, Albin Kurti, shpjegoi shkurtimisht se si e imagjinon...

Ksabi Alonso kërcënon Zidanin, Murinjo i bën “dalje” Realit

Sport

Ksabi Alonso kërcënon Zidanin, Murinjo i bën “dalje” Realit

Fillimi shumë i dobët i sezonit nga ana e Real Madridit ka vendosur në pikëpyetje të madhe të ardhmen e Zinedin Zidan, që u afrua vetëm pak muaj më parë...

Sondazh

Nothing found!

Sondazh

Nothing found!