Haradinaj: Ne jemi gati për dialog, ftojmë Serbinë t’i kthehet tavolinës

Saturday, 09 Mars 2019 13:37

Kryeministri i Kosovës Ramush Haradinaj, ka komentuar takimin e sotëm me David Hale, që patën krerët shtetëror me të.

“Pata nderin që sot në rezidencën e Ambasadorit Amerikan në Kosovë Philip Kosnett së bashku me Presidentin Thaçi dhe Kryetarin Veseli të zhvillojmë një takim të hapur dhe të sinqertë me Nënsekretarin për Çështje Politike, David Hale. Në këtë takim paraqita qëndrimin se tash Kosova është më e gatshme se kurrë, e unifikuar me një zë të vazhdojë dialogun me Serbinë dhe të kontribuojë në fqinjësi të mirë, paqe dhe stabilitet. Ky unitet është edhe me domethënës pas votimit të Platformës se Dialogut dhe Ligjit”, ka shkruar Haradinaj në facebook.

E ritheksova, thotë tutje Haradinaj, “se ne jemi gati për dialog dhe ftojmë Serbinë që t’i kthehet tavolinës e të diskutojmë të gjitha çështjet e hapura duke përfshirë edhe tregtinë e lirë dhe të arrijmë një marrëveshje që rezulton me njohje në kufijtë ekzistues”.

SHBA nuk ka pozicion rreth rezultatit të dialogut Kosovë-Serbi, por insiston në njohje të ndërsjellë, thotë Hale
Përkrahja amerikane për Kosovën është e palëkundshme. SHBA-ja kujdeset thellë për mirëqenien, prosperitetin dhe sigurinë e Kosovës. Dhe këto janë bazat mbi të cilat zhvillohen diskutimet mes SHBA-së dhe Kosovës.

Kështu ka thënë nënsekretari amerikan për çështje politike, David Hale, të shtunën në Prishtinë, pas takimit me krerët e institucioneve të Kosovës.

Duke iu përgjigjur pyetjeve të gazetarëve nga tri media kosovare, përfshirë “Kohën Ditore”, nënsekretari Hale ka përsëritur qëndrimin amerikan rreth dialogut, duke theksuar se Washingtoni konsideron se tani është një moment i përshtatshëm për të arritur një marrëveshje gjithëpërfshirëse me Serbinë, duke theksuar se në bosht të asaj marrëveshjeje duhet të jetë njohja e ndërsjellë.

Sidoqoftë, nënsekretari Hale e ka përsëritur se SHBA nuk ka një pozicion të vetin se cili duhet të jetë rezultati i dialogut, dhe se përmbajtja e marrëveshjes do të varet nga të dy palët.

Por, ai ka theksuar se ka një pajtim të gjerë mes aleatëve perëndimorë se çdo marrëveshje duhet ti kontribuojë stabilitetit rajonal dhe jo e kundërta.

Nënsekretari Hale, i cili të shtunën në mëngjes i ka takuar së bashku presidentin Hashim Thaçi, kryeministrin Ramush Haradinaj dhe kryetarin e Kuvendit Kadri Veseli, para vizitës në Prishtinë ka qëndruar në Beograd, ku ka dërguar të njëjtin mesazh për tejkalimin e pengesave që t'i hapet rrugë dialogut.

Duke iu përgjigjur pyetjes së Kohës Ditore për të komentuar rreth Platformës për dialog, të cilën e ka miratuar Kuvendi i Kosovës të premten, nënsekretari Hale tha se e sheh këtë si pjesë të debatit demokratik në Kosovë, por shtoi se SHBA-ja nuk ka një pozicion rreth platformës.

Në çdo rast, siç tha nënsekretari Hale, SHBA-ja nuk ndryshon pozicionin kur bëhet fjalë për shtetësinë e Kosovë – është në përkrahje të plotë të pavarësisë dhe sovranitetit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

“Nënat e Srebrenicës,” shpërthyen në lot pas dënimit të Karaxhiç

Aktualitet

“Nënat e Srebrenicës,” shpërthyen në lot pas dënimit të Karaxhiç

Të mbijetuarit nga genocidi në Luftën e Bosnjës gjatë viteve '92-95 shpërthyen në duartrokitje pasi kreu i trupës gjykuese Vagn Joensen lexoi vendimin përfundimtar burg për jetë për ish-kreun politik...

Vetëdorëzimi i vrasësit të Baxhinofski, zbardhet dëshmia e tij

Kronikë

Vetëdorëzimi i vrasësit të Baxhinofski, zbardhet dëshmia e tij

Pak pas dorëzimit në polici, sigurohet dëshmia e vrasësit të Haxhi Baxhinofski, 61-vjeçarit Islam Mylkaj. “Jam penduar, e vrava në gjaknxehtesi e siper. Tek liqeni e takova rastesish. Më shau dhe...

Prezantohen uniformat e reja të kombëtares për Euro 2020

Sport

Prezantohen uniformat e reja të kombëtares për Euro 2020

Federata Shqiptare e Futbollit ka prezantuar sot uniformat e reja të kombëtares shqiptare të futbollit për meshkuj dhe femra. Uniformat e reja do të vishen nga kuqezinjtë prej ditës së nesërme...

Sondazh

Nothing found!

Sondazh

Nothing found!