Haradinaj: Dialogu Kosovë-Serbi në duar të sigurta

Tuesday, 14 May 2019 17:15

Kryeministri i Kosovës, Ramush Haradinaj, tha se procesi i dialogut ndërmjet Kosovës dhe Serbisë tani është në duar të sigurta dhe se nuk flitet më për ndryshim të kufijve.

“Nuk mund t'i paragjykoj proceset me rëndësi. Tani procesi është në duar të sigurta, i është hequr nga duart zonjës Federica Mogherini (v.j. shefes së politikës së jashtme të Bashkimit Evropian). Nuk rrezikojmë ndonjë propozim për ndarje, ka një stabilitet dhe kjo është kryesorja”, tha Haradinaj në një konferencë për media në Prishtinë.

Ai shtoi se Shtetet e Bashkuara të Amerikës nuk janë tërhequr asnjëherë nga roli i tyre në proceset në Kosovë dhe, sipas tij, SHBA-ja "e di kur të marrë përgjegjësitë në proceset e caktuara".

Dialogu ndërmjet Kosovës dhe Serbisë ka ngecur tash e sa muaj, pasi Serbia e sheh si pengesë për këtë proces taksën 100% që Kosova u ka vënë prodhimeve të importuara nga Serbia qysh në nëntor të vitit të kaluar.

Megjithatë, një nivel tjetër i dialogut ndërmjet liderëve institucionalë të të dyja vendeve pritet të zhvillohet më 1 korrik në Paris, nën lehtësimin e presidentit francez, Emanuel Macron, dhe kancelares gjermane, Angela Merkel.

Ideja për ndryshim kufijsh, ndërkaq, është shpalosur nga presidentët e Kosovës dhe Serbisë, Hashim Thaçi dhe Aleksandar Vuçiq, si mundësi për normalizimin e marrëdhënieve midis dy vendeve.

Por, ajo ka hasur në reagime për dhe kundër, si në qarqet e brendshme, ashtu edhe në ato ndërkombëtare./Rel

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Humbën kontaktet në Theth, pas disa orësh kërkime gjenden tre turistët anglezë

Aktualitet

Humbën kontaktet në Theth, pas disa orësh kërkime gjenden tre turistët anglezë

Tre turistë anglezë në zonën turistike malore të Thethit mbrëmjen e djeshme kanë humbur komunikimin mes tyre në zonën e quajtur Qafë Thore dhe kanë kërkuar ndihmën e Policisë. Pas disa...

Belgjika nën ethet e zgjedhjeve

Politikë

Belgjika nën ethet e zgjedhjeve

- Bashkësia Shqiptare e Belgjikës i jep vendit një plejadë të re politikanësh - Eden Babani, Bruksel 1 Belgjika është ndezur e tëra nga ethet e zgjedhjeve të 26 majit, teksa afrimi...

Lë në mes dasmën e tij për t’i shpëtuar jetën të moshuarës, heroi shqiptar ‘pushton’ mediat italiane

Bota Shqiptare

Lë në mes dasmën e tij për t’i shpëtuar jetën të moshuarës, heroi shqiptar ‘pushton’ mediat italiane

Në ditën më të bukur të jetës së tij, ai i shpëtoi jetën dikujt tjetër. Është kjo historia e mjekut shqiptar në Itali, Sokol Berisha, i cili sapo i tha...

Sondazh

Nothing found!

Sondazh

Nothing found!