Ky shqiptar 43 vjeçar rezulton ndër më të kërkuarit në Britani të Madhe. Policia Metropolitane e ka shpallur në kërkim atë gjatë ditës së sotme.

Bëhet fjalë për Hektor Mahmutajn, i cili u arrestua fillimisht të premten e 11 majit të vitit 2017 nga oficerët e njësisë së ekstradime të MET pas kërkesës së autoriteteve shqiptare në lidhje me akuzat për vrasje në Shqipëri.

Të mërkurën, më 27 mars 2019, Mahmutaj u zhduk pasi u la në liri me kusht.

Zyrtarët e Njësisë së Ekstradimit po kërkojnë në mënyrë aktive vendndodhjen e tij dhe i bëjnë thirrje kujtdo që e shikon të lajmërojë pranë autoriteteve.

Mahmutaj u dënua me 25 vjet për vrasjen e fermerit Gentjan Jahaj në Shqipëri në korrik 1997.

Emigranti u fsheh në një fermë para se te largohej ilegalisht në Britani të Madhe, me një kamion ne dhjetor të të njëjtit vit. Faktet jane bere publike nga gjykata e magjistratëve në Westminster.

Ai ka jetuar tashmë në Britani për më shumë se 20 vjet, duke përdorur 13 emra fals për t’i shpjetur çdo lloj gjurme që do të çonte në zbulimin e tij.