SHBA-të vendosin afat për finalen Kosovë-Serbi/ Ja kur pritet të rinisë dialogu

Diel, 25 August 2019 17:00

Vera e vitit 2020 është afati kohor që Shtetet e Bashkuara të Amerikës kanë vendosur për arritjen e marrëveshjes finale ndërmjet Kosovës dhe Serbisë.

Për një gjë të tillë shkruan sot gazeta serbe ‘Blic’, në një shkrim ku flitet për involvimin e Shtëpisë së Bardhë në gjetjen e një zgjidhje për problemin ndërmjet Prishtinës dhe Beogradit.

“Autoritetet aktuale që drejtojnë SHBA-të mund të insistojnë në zgjidhje, jo vetëm se një gjë e tillë është e rëndësishme për Beogradin dhe Prishtinën, por që nënshkrimi i një marrëveshje mund të jetë një plus për politikën e jashtme të SHBA-së, përpara zgjedhjeve presidenciale në të cilat Donald Trump do të garoj përsëri”, shkruan Blic, përcjell Gazeta Express.

Ndërkohë në këtë tekst janë listuar disa prej problemeve të cilat pengojnë vazhdimin e dialogut ndërmjet Prishtinës dhe Beogradit këtë vit.

Si kohë e përshtatshme për rikthim në dialog, po shihet muaji dhjetor, gjë për të cilën ka folur edhe presidenti serb, Aleksander Vuçiq, pas kthimit nga Washingtoni dhe takimit me Sekretarin Amerikan, Mike Pompeo.

Zgjedhjet e parakohshme që pritet të mbahen në fund të shtatorit apo në fillim të muajit tetor të këtij viti, dhe vonesat që mund të shkaktohen deri në krijimin e një qeverie të re, është një prej barrierave të para që pengon rikthimin e shpejtë në dialog.

Përveç zgjedhjeve, çështja e taksës është një problem i cili ka mbetur peng, dhe pritet të shihet se a do të pezullohet një vendim i tillë pas krijimit të një qeverie të re. SHBA-të dhe BE-ja kanë kërkuar vazhdimisht pezullimin e një vendimi të tillë.

Anash këtyre çështjeve të brendshme të Kosovës, si vonesë për rikthimin në dialog po shihen edhe zgjedhjet dhe konsolidimi i institucioneve të Bashkimit Evropian.  Përveç kësaj “Bregzit” po shihet si një problem shumë i madh i cili tërheq vëmendjen e BE-së nga Ballkani Perëndimor.

Ndërkohë ‘Blic’ përmend edhe pushimet e fundi vitit, të cilat mund të jenë një pengesë tjetër për rikthimin e shpejtë në dialog.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...