Surprizat e motit kanë gëzuar durrsakët, që mëngjesin e sotëm janë zgjuar me reshje bore. Gazetarja Klodjana Haxhiaj raportoi për “BalkanWeb” se në Durrës ka shtruar bora e parë për këtë dimër. Reshjet e borës janë të rralla në zonat brengdetare në vend dhe nuk shtrojnë por ky është viti i treti rradhazi që në Durrës bie dëborë.

Reshjet kanë nisur në orët e para të mëngjesit dhe po bien me intensitet ende. Reshje bore ka pasur sot në zonat malore, Dibër e Korçë por edhe në Tiranë kanë nisur por nuk kanë mbajtur, ndërsa Dajti si gjithmonë është mbuluar nga bora.

***

Kaq e kishin edhe temperaturat e ngrohta! Fundjava pritet të na sjellë surpriza, pasi sipas Institutit të Gjeoshkencave raporton se të shtunën dhe të dielën pritet një ulje e ndjeshme e temperaturave. Dita e shtunë pritet të shoqërohet me reshje të dobëta në të gjithë vendin, ndërsa do të jenë në formë dëbore mbi 800m mbi nivelin e detit, por në zona shumë të kufizuara dëbora mund të shfaqet edhe më poshtë sesa ky nivel.

Temperaturat minimale dhe maksimale të ajrit pritet të pësojnë rënie. Më konkretisht, ato pritet të arrijnë:
në bregdet: 0 / 9 °C
në vendet e ulëta: -1 / 7 °C
në vendet malore: -8 / 2 °C

Veç reshjeve të shiut, ditën e nesërme do të ketë edhe erë të fortë. Era do të jetë e pranishme në pjesën më të madhe të territorit, sidomos në veri.