Qeveria braktis fermerët, ulen me 5 herë subvencionet në bujqësi

Premte, 15 Mars 2019 08:34

Qeveria ka ulur në mënyrë drastike subvencionet për fermerët në buxhetin e vitit 2019.

Përmes një vendimi të marrë një ditë më parë, Këshilli i Ministrave ka ulur fondin e subvencioneve për 2019-ën në vetëm 495 milionë lekë ose 4.5 milionë dollarë, kur vitin e kaluar shifra ishte 20 milionë dollarë.

‘Nga fondi i programit për bujqësinë dhe zhvillimin rural, zëri ‘Transfertë në buxhetet familjare’ përcaktohet në masën 495 milionë lekë,’ thuhet në vendimin e Këshillit të Ministrave.

Image

Por edhe fondi prej 495 milionë lekësh nuk do të shkojë i plotë për të subvencionuar fermerët, pasi një pjesë e tij do të përdoret për të paguar detyrimet e prapambetura nga viti i kaluar. 

‘Nga fondi i programit për bujqësinë dhe zhvillimin rural për vitin 2019, të përdoret shuma prej 83 milionë lekë, për pagesën e vlerës së palikuiduar për subjektet e shpallur fituese nga AZHBR-ja, në zbatim të vendimit nr.72, datë 7.2.2018, të Këshillit të Ministrave,’ thuhet në vendim.

Kjo do të thotë se fondi total i subvencioneve për këtë vit pritet të jetë vetëm 3.5 milionë dollarë, një shifër e papërfillshme. Për shkak të rrudhjes së ndjeshme të fondeve, qeveria ka përjashtuar nga mbështetja financiare pjesën dërrmuese të aktiviteteve bujqësore, përfshirë prodhimin e serave dhe kulturat dru-frutore.

Këto kanë qenë zërat kryesore të eksporteve shqiptare, të cilat tashmë nuk do të mbështeten më financiarisht me subvencioneve. Sipas ekspertëve shkurtimi dramatik i fondit të mbështetjes për fermerët do të ulë prodhimin vendas dhe eksportet bujqësore, të cilat vitet e fundit janë rritur në mënyrë të vazhdueshme.

Ulja me 5 herë subvencioneve është goditja e dytë që qeveria i jep fermerëve për këtë vit. Në paketën e re fiskale ajo uli edhe masën e rimbursimit të TVSH-së për prodhimet bujqësore nga 20 për qind në 6 për qind, çka ka sjellë protestat e fermerëve në shumë qytete të vendit.

Një ditë më parë ishin fermerët e Lushnjes, të cilët kanë hedhur prodhimet në rrugë, të cilat sipas tyre kanë mbetur të pashitura nga ulja e rimbursimit të TVSH-së, ndërkohë që këtë të enjte të fermerët protestuan edhe në Berat.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Luan Rama për dorëheqjen e Haradinajt: Akt civil prej burri shteti

Politikë

Luan Rama për dorëheqjen e Haradinajt: Akt civil prej burri shteti

Luan Rama e ka quajtur peshë dinjiteti dorëheqjen e Ramush Haradinajt. Sipas Ramës, Haradinaj ka bërë një akt prej burri shteti i duke i mësuar të gjithve se sa vlerë ka...

Limaj: Intervistimi i Haradinajt, ftesë e padrejtë nga një gjykatë e padrejtë

Bota Shqiptare

Limaj: Intervistimi i Haradinajt, ftesë e padrejtë nga një gjykatë e padrejtë

“Ftesa për intervistë nga Gjykata Speciale në cilësinë e të dyshuarit për kryeministrin e Qeverisë së Kosovës, Ramush Haradinaj është një ftesë e padrejtë, nga një gjykatë e padrejtë”,- kështu...

Nuk përmbahet Ingrit Gjoni/ Surprizon ndjekësit me foton e fundit

Show-biz

Nuk përmbahet Ingrit Gjoni/ Surprizon ndjekësit me foton e fundit

Këngëtarja Ingrit Gjoni i ka befasuar të gjithë ndjekësit e saj me foton e fundit. Para disa orësh këngëtarja ka publikuar një foto ku shfaqet nudo, teksa ka hedhur mbi...

Sondazh

Nothing found!