Vrau gruan duke pretenduar se e tradhëtonte, flasin dëshmitarët

Saturday, 04 May 2019 21:25

Një ngjarje e rëndë ndodhi disa ditë më parë në fshatin Vagalat, ku 63-vjeçari Skënder Hoxha vrau me sopatë në gjumë bashkëshorten e tij Antonetën, për motive xhelozie.

Para hetuesve ka dhënë shpjegime edhe personi me të cilin Skënder Hoxha ka pretenduar se bashkëshortja e tij e tradhtonte.

Shtetasi S.H. e ka mohuar një gjë të tillë, ndërsa shton se në dijeninë e tij, ata shkonin shumë mirë.

Ai ka sqaruar se nuk ka pasur asnjë lloj marrëdhënie intime me shtetasen Antoneta Hoxha.

Me familjen e shtetasit Skënder Hoxha dhe me bashkëshorten e tij Antonetën ka pasur thjesht marrëdhënie familjare, hyrje-dalje te njëri-tjetri për shkak se janë bashkëfshatarë. Më datë 30.04.2019, rreth orës 06:00, ka qenë në gjumë dhe në këtë kohë ka dëgjuar të bërtitura grash që vinin nga shtëpia e Skënder Hoxhës. Është ngritur dhe ka shkuar te shtëpia e Skënderit, ku ka mësuar se Antoneta, bashkëshortja e Skënderit, kishte vdekur.

Më pas, aty ka mësuar se Skënderi e kishte vrarë Antonetën me sëpatë. Shtetasi S.H. nuk di që ata kanë pasur ndonjë konflikt me njëri-tjetrin, pasi në dijeninë e tij, ata shkonin mirë me njëri-tjetri, ka thënë dëshmitari.

Edhe shtetasja D.H. thotë se në dijeninë e saj, ata kanë pasur marrëdhënie të mirë dhe se autori nuk vuan nga ndonjë sëmundje mendore.

“Është pyetur gjithashtu me cilësinë e personit që ka dijeni për ngjarjen shtetasja D.H., e cila ka shpjeguar se në datë 30.04.2019, rreth orës 4:30, te shtëpia saj ka shkuar shtetasi Skënder Hoxha, i cili e ka njoftuar se gruaja e tij Antoneta ishte e sëmurë. Kur ka vajtur te banesa e Skënderit në dhomën e katit të dytë, ka parë të shtrirë në krevat shtetasen Antoneta.

Aty ka parë që kishte dëmtime në kokë dhe ishte e vdekur. Marrëdhëniet e bashkëshortëve kanë qenë të mira, nuk kanë pasur konflikte apo hasmëri me njerëz të tjerë. Në dijeninë e saj si ish-infermiere e fshatit, shtetasi Skënder Hoxha nuk ka vuajtur nga ndonjë sëmundje e shëndetit mendor”, shkruhet në kërkesën për masë sigurie.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

LSI: Tryezë politike para 18 tetorit, mund të prodhojë edhe dorëheqjen e Ramës!

Politikë

LSI: Tryezë politike para 18 tetorit, mund të prodhojë edhe dorëheqjen e Ramës!

Teksa kreu i LZHK-së, Dashamir Shehi foli dje për një platformë të PD-së prej 5 pikash për zgjidhjen e krizës, sekretari i Përgjithshëm i LSI-së, Endrit Braimllari tha se ajo...

Vdesin dy pacientë brenda javës në spital, ja pse akuzohet doktori mik me Taulant Ballën

Aktualitet

Vdesin dy pacientë brenda javës në spital, ja pse akuzohet doktori mik me Taulant Ballën

Një ngjarje e rëndë ka ndodhur në Spitalin e Përrenjasit, ku mësohet se dy të sëmurë kanë ndërruar jetë nga ilaçet e skaduara. Denoncimin e ka bërë publik një qytetar që...

VIDEO/ Dalin pamje, si u ndoq dhe u ekzekutua ish-polici Malko

Aktualitet

VIDEO/ Dalin pamje, si u ndoq dhe u ekzekutua ish-polici Malko

Dalin pamjet e ndjekjes së makinës së Santiago Malkos nga atentatorët, pak sekonda para ekzekutimit. 26-vjeçari u qëllua me breshëri nga xhami i pasëm i një Mercedes-Benz, që e ndiqte në...

Sondazh

Nothing found!