“Radikalët nuk përfaqësojnë fenë”/ Teologë dhe sociologë: Komunitetet duhet të flasin me këta individë

E mërkurë, 14 August 2019 20:20

Besimet fetare në vend janë karakterizuar nga një harmoni e vazhdueshme me tyre, një cilësi e veçantë kjo, të cilën e kanë vlerësuar edhe të huajt.

Megjithatë, ka pasur raste sporadike të individëve radikalë, të cilat kanë prekur pothuajse të gjitha fetë.

Përgjegjësi i zyrës së katekizmit në kishën Ortodokse, Miron Çako, thotë se individët të cilët dalin me qëndrime radikale, nuk përfaqësojnë komunitetet fetare.

“Këta individë nuk përfaqësojnë komunitetet fetare. Ata madje i dëmtojnë fetë e tyre me këto lloj qëndrimesh”, thotë ai.

Çako po ashtu, shpjegon edhe mënyrën sesi komunitetet fetare mund të ndikojnë në parandalimin e këtij fenomeni.

“Duhet që komunitete fetare të flasin me këta individë. Njeriu është një qenie e arsyeshme dhe duhet të punohet me arsyen”, thotë Çako më tej.

Për sociologun Gëzim Tushe, feja ka një rëndësi të veçantë shpirtërore për njeriun. Ai thotë se ky besim, në dorë të gabuar mund të kishte pasoja për shoqërinë.

“Feja ka një rëndësi të veçantë për njeriun. Por feja, në dorë të një injorati, dikujt që abuzon me të do të kishte pasoja sociale’, thotë Tushe.

Sociologu Tushe, thotë se rrjetet sociale e kanë bërë më të dukshëm këtë rivalitet fetar.

“Rrjetet sociale nuk e kanë shtuar radikalizmin. Këtë fenomen teknologjia e ka bërë më të dukshëm. Rastet sporadike që kanë qenë latante, të fjetura, tashmë kanë dal në pah”, u shpreh ai.

Të martën policia shpalli dy persona në kërkim, pasi nëpërmjet disa videove ata dëgjohen të ofendojnë besimtarët myslimanë të Maqedonisë së Veriut dhe Kosovës, duke thënë se për ta nuk ka vend në Shqipëri. Dy radikalët fetarë, Anton Zefi dhe Luig Marku, akuzohen për veprën penale të nxitjes së urrejtjes.

Top Channel

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Konservatorët sigurojnë edhe një mandat në Poloni

Globi

Konservatorët sigurojnë edhe një mandat në Poloni

Partia konservatore në pushtet, Ligji dhe Drejtësia, është fituese e shumicës në zgjedhjet parlamentare të së dielës në Poloni, duke siguruar kësisoj edhe një mandat katërvjeçar për të vazhduar reformat...

Dënohen me burgim 9 udhëheqës të Katalonjës

Globi

Dënohen me burgim 9 udhëheqës të Katalonjës

Gjykata e Lartë spanjolle i dënoi me nga 9 deri në 13 vjet heqje lirie 9 udhëheqës rë Katalonjës për rolin e tyre në përpjekjet për pavarësinë e rajonit në...

Kosovë: Autoritetet po hetojnë shkaqet e ndërprerjes së verifikimit të votave nga Serbia

Bota Shqiptare

Kosovë: Autoritetet po hetojnë shkaqet e ndërprerjes së verifikimit të votave nga Serbia

Presidenti i Kosovës, Hashim Thaçi, u bëri thirrje të hënën institucioneve të sigurisë që të hetojnë dhe të zbardhin dyshimet për, siç thuhet, helmimin e personelit të Komisionit Qendror të...

Sondazh

Nothing found!