“Pastroi” rrugët e kryeqytetit nga shitësit ambulantë me anë të Policisë Bashkiake dhe ngriti bizneset e “miqve” të tij, kjo është akuza që i është bërë që prej qershorit të vitit të kaluar kryetarit të bashkisë, Erion Veliaj.

Ndërkohë prej fillimit të këtij viti janë shtuar në masë kioskat në Tiranë, të cilat kanë zëvendësuar shitësit e vegjël ambulantë duke i hedhur në mes të katër rrugëve.

Një tjetër kjoskë ka mbirë si kërpullë pas shiut në një nga zonat më atraktive të kryeqytetit.

Ajo është vendosur në hyrje të “Parkur Rinia”. Nga fotoja shohim se kryebashkiaku Erion Veliaj ka vendosur që të hapë kioska me produkte ushqimore në sheshet kryesore të qytetit, duke sfiduar bizneset e shumë qytetarëve që kanë kioska të ngjashme apo dyqane të vogla.

Pas atyre kioskave ku shiten ujë, lëngje dhe disa produkte të tjera konsumi, të cilat Veliaj ia ka dhënë një kompanie private, së fundmi po monton edhe kioska me produkte ‘fast food’-i.