1953/Pushkatimi para të burgosurve të kampit nr.6 Cërrik

Premte, 08 February 2019 17:54

Nga Kastriot Dervishi

Kampi i punës së detyruar të të burgosurve nr.6, është ndër më të panjohurit, por ndër më të tmerrshmit e llojit të vet. Ai funksionoi në vitet 1952-1953. Aktiviteti i tij u shtri te Rrapi i Trishit Tiranë, Varibop dhe Cërrik. Të burgosurit kryenin punime ndërtimi dhe bonifikimi në kushtet më çnjerëzore që mund të mendohej. Në fund të vitit 1952 kampi numëronte 700 të burgosur. Duke punuar për ndërtimin e rafinerisë së naftës, të burgosurit mezi e përballonin normën e rëndë të punës. Dy prej tyre guxuan të arratisen. Bido Dyrmishi ishte dënuar në vitin 1950 fillimisht me vdekje, por dënimi iu kthye me burgim të përjetshëm. Akuzohej si strehues i desantit Tefik Kokla. Shefqet Meta ishte dënuar në vitin 1951 me 8 vjet burgim për tentativë arratisje. Sipas komunikatës nr.134, datë 27.12.1952 të Ministrisë së Punëve të Brendshme, njoftohej arratisja e të dënuarve Bido Shefqet Dyrmishi nga Bërsniku Gramsh, 23 vjeç dhe Shefqet Abedin Meta nga Bërzeshta, 30 vjeç. Arratisja nuk zgjati shumë dhe më 3.1.1953 ata u arrestuan. U gjykuan për t’u bërë shembull. Me vendimin nr.68, datë 12.8.1953, Gjykata Ushtarake Korçë me veprim në Elbasan, e deklaroi fajtor dhe në bazë të nenit 64 të Kodit Penal e dënoi me vdekje, pushkatim. Gjykata urdhëronte që dënimi të ekzekutohej në sy të të burgosurve në Cërrik. I pandehuri tjetër u dënua me 25 vjet burgim. U la në fuqi me vendimin nr.314, datë 3.9.1953 të Kolegjit Ushtarak të Gjykatës së Lartë. Ekzekutimi u bë më 12.10.1953 para të burgosurve të kampit nr.6 Cërrik. Të burgosurit duhej të kishin frikë për arratisje të tjera.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Rotacion total, Reja sfidon “gjelat” me 5 ndryshime, muskuj e zemër për të realizuar të pamundurën

Politikë

Rotacion total, Reja sfidon “gjelat” me 5 ndryshime, muskuj e zemër për të realizuar të pamundurën

Sa shumë rrezikoj Reja dhe Shqipëria përballë Andorrës, shumë ndryshme, pak dëshirë, të gjithë me mendje te Franca, rezultati ishte një blof i madh, një barazim 2-2 që gjithsesi me...

Zgjidhet kryetari i ri i FRPD në Tropojë, Këlliçi: Ta largojmë qeverinë që s'mban asnjë premtim

Politikë

Zgjidhet kryetari i ri i FRPD në Tropojë, Këlliçi: Ta largojmë qeverinë që s'mban asnjë premtim

Belind Këlliçi, kryetari i FRPD-së, i ka bërë thirrje shqiptarëve dhe në veçanti të rinjve në të gjithë vendin, që të bëhen pjesë e ndryshimit, “Shqipërisë që duam" për të larguar një...

Numrime e çnumrime votash kaq gjatë, pse?

Bota Shqiptare

Numrime e çnumrime votash kaq gjatë, pse?

Nga Skënder MULLIQI Numrime e çnumrime votash kaq gjatë pse? Dhe, në interesin e kujtë po bëhën gjithë këto malverzime politike?E tash dikush do të pyes , a mos dikush nga...

Sondazh

Nothing found!

Sondazh

Nothing found!