1991/Zgjedhjet e para pluraliste në Shqipëri, shifrat dhe treguesit

Diel, 31 Mars 2019 10:13
Karikatura e Bujar Kapexhiut për zgjedhjet e 31 marsit 1991 Karikatura e Bujar Kapexhiut për zgjedhjet e 31 marsit 1991

Nga Kastriot Dervishi

Ishin dekretuar të zhvilloheshin më 10.2.1991, por u shtunë më 31.3.1991. Dekretin e nxori Presidiumi i Kuvendit Popullor. Zgjedhjet u zhvilluan në kushtet kur organet e shtetit si forcat e armatosura, sistemi i drejtësisë, ishin tërësisht të politizuara dhe punonjësit apo efektivët e tyre anëtarë të Partisë së Punës. Ishin nisur të bëheshin si zgjedhje me shoqatat e organizatat e Partisë së Punës, por me pranimin e pluralizmit, rrethanat e zhvillimit ndryshuan. Morën pjesë në zgjedhje: Partia e Punës (sot Partia Socialiste), Partia Demokratike, Partia Agrare, Partia Republikane, Partia Ekologjike. Nga organizatat: Organizata “Omonia”, Komiteti i Veteranëve, Fronti Demokratik, Bashkimet Profesionale, Bashkimi i Gruas, Bashkimi i Rinisë Punës së Shqipërisë. Zgjedhjet u zhvilluan edhe me zona balotazhi. Ishte një fletë votimi. Vlefshmëria e votës nënkuptonte mosfshirjen e një kandidati. Nga Kuvendi Popullor paraardhës i dalë nga zgjedhjet e vitit 1987, ishin zgjedhur vetëm 19 deputetë ose 7.6 % e numrit të përgjithshëm të tyre, të gjithë nga Partia e Punës. Zgjedhjet i dhanë rezultatet:

-Partia e Punës: 169 deputetë ose 67,6%

-Partisë Demokratike: 75 deputetë ose 30 %

-Organizata “Omonia” 5 deputetë ose 2 %

-Komiteti i Veteranëve: 1 deputet ose 0.4 %

Në përfundim të zgjedhjeve, sekretari i KQ të PPSH-së, Xhelil Gjoni, vlerësoi fitoren e forcës së tij politike dhe tha se kjo parti do të merrte nga marksizëm – leninizmi atë që ishte më e mirë.

Kuvendi Popullor përbëhej nga 57 inxhinierë, 62 të profilit bujqësor, 37 mësues e pedagogë, 38 ekonomistë, 20 mjekë dhe 14 juristë e gazetarë. Kryetar u zgjodh Kastriot Islami nga Partia e Punës dhe nënkryetar Lush Përpali (Partia e Punës) dhe Aleksandër Meksi (Partia Demokratike)

Sesioni i parë i Kuvendit Popullor u çel më 15.4.1991. Mbledhja e fundit u zhvillua më 30.1.1992. Sipas marrëveshjes politike të arritur në fund të majit 1991, kjo legjislaturë u shpërnda për t’i hapur rrugën zgjedhjeve të parakohshme që u zhvilluan më 22.3.1992.

Funksionuan tre grupe kuvendore të: Partisë së Punës, Partisë Demokratike dhe “Omonias”. Kjo legjislaturë votoi zgjedhjen e Ramiz Alisë president, rrëzoi kushtetutën e vitit 1976, miratoi Dispozitat Kryesore Kushtetuese, miratoi qeveritë e Fatos Nanos, Ylli Bufit dhe Vilson Ahmetit dhe një sërë ligjesh.

Në çfarë kushtesh u zhvilluan këto zgjedhje, e ka pasqyruar fare bukur i mirënjohuri Bujar Kapexhiu me karikaturën bashkëlidhur, botuar në “RD” të atij viti.

Modifikuar më Diel, 31 Mars 2019 10:37

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Dy turistët e huaj plagosen në Sarandë, nisen me helikopter drejt Tiranës

Aktualitet

Dy turistët e huaj plagosen në Sarandë, nisen me helikopter drejt Tiranës

aksidenti me motor. Mësohet se dy turistët nga Suedia dhe Italia kanë marrë plagë të rënda në trup.   Ata janë transportuar me helikopter drejt Spitalit të Traumës në kryeqytet, ndërkohë që ende...

VIDEO/ Policia rrethon zonën tek “Unaza e Re”, banori: Mund të ketë përplasje

Politikë

VIDEO/ Policia rrethon zonën tek “Unaza e Re”, banori: Mund të ketë përplasje

Vijojnë presionet shtetërore nga banorëve të Unazës së Re. Teksa protesta e tyre vijon të jetë e përditshme prej muajsh tashmë, qeveria dhe bashkia e Tiranës herë pas here i provokon...

Fati i Teatrit Kombëtar/ Budina: Është e dhimbshme! Po zhdukim çdo gjë të vjetër në qytet

Aktualitet

Fati i Teatrit Kombëtar/ Budina: Është e dhimbshme! Po zhdukim çdo gjë të vjetër në qytet

I ftuar në Syri TV, regjisori Edmond Budina ka komentuar lëvizjet e ditëve të fundit në mbrojte të Teatrit Kombëtar. Sipas tij, shqiptarët duhet të ndryshojnë mendësi, ndërsa akuzoi se çdo...

Sondazh

Nothing found!

Sondazh

Nothing found!