1991/Mbledhja e përbashkët. Ruçi: Në Shkodër ka duf kundër pushtetit, nuk mund të arrestojmë dot tani

Tuesday, 02 Prill 2019 18:43

Nga Kastriot Dervishi

Më 2 prill 1991 në selinë e Presidiumit të Kuvendit Popullor është zhvilluar mbledhja e përbashkët e Presidiumit të Kuvendit Popullor, Këshillit të Ministrave dhe Këshillit Presidencial. Nga kjo mbledhje e gjatë, po bëj të njohur një pjesë të vogël të debatit të gjatë. Anëtari i Presidiumit të Kuvendit Popullor, Rita Marko, kërkoi të merrej Sigurimi, Hetuesia e gjykta me këtë çështje.

Pjesë nga debati

Gramoz Ruçi: Aktualisht shokë të Presidiumit të Kuvendit Popullor dhe të Presidencës gjendja në vend është tensionuar dhe e acaruar. Mund të themi dy fjalë në qoftë se deri tani është kërkuar për t’u zbatuar nga forca të ndryshme si brenda, ashtu dhe jashtë vendit i ashtuquajturi skenar rumin që është shmangur me zgjuarsi si nga Presidiumi i Kuvendit Popullor, ashtu dhe nga partia në pushtet, sot, ose më mirë me thënë që dje, ka filluar skenari bullgar, ose të dyja bashkë.

Veçanërisht në tre qytete, në Shkodër, Kavajë dhe në Tiranë, këto kanë qenë më evidente. Gjendja më e rëndë paraqitet në qytetin e Shkodrës. Në Shkodër ka pasur grumbullime pa veprime të jashtëligjshme si mbrëmë, por veçanërisht sot, janë shoqëruar edhe me veprime.

Në këto grumbullime, pra në këto turma, janë vënë në radhë të parë fëmijët dhe gratë dhe dëgjohen thirrjet kundër Partisë së Punës, kundër personaliteteve politike, thirrje për armë, kundra zonave jugore dhe verilindore, kundra fshatarësisë. Para se të vija këtu, një grup marshonte drejt godinës degës së punëve të brendshme.

Janë dëmtuar, djegur dy autoblinda të policisë. Gjithashtu sipas të dhënave operative paraprake, pra janë të dhëna operative, pa u vërtetuar, ka pasur të vrarë dhe disa të plagosur nga të dy palët (shtuar me shkrim dore fjala “nga të dy palët”).

Ramiz Alia: Mirë Gramoz, thuaj ç’ke për të thënë.

Gramoz Ruçi: Pyetja janë kapur apo jo? Aktualisht në Shkodër këtë porosi kam dhënë. Organet nuk mund të veprojnë ndaj njerëzve tani, për të kapur në këtë moment, përpara se të vija unë këtu në Presidium. Veprimi ndaj njerëzve me arrestime, do të ishte katastrofale, domethënë është e pamundur, domethënë është e pamundur, të tillë egërsi ka.

Pyetja e dytë është, mendimi ynë, ose parashikimi, si do të ecë kjo prognozë, është një shprehje dufi apo? Ne aktualisht kemi mendimin që e kaloi cakun e dufit, të festës së fitores. Problemi vete një çikë më tej. Dhe në qoftë se e keni parasysh që e thashë që në fillim, që këtu kemi të bëjmë me një skenar rumun apo bullgar, unë them të dyja bashkë. Pra bëhet thirrje për gjak, bëhet thirrje për marrjen e pushtetit me dhunë. Kjo është e hapur dhe evidente kudo.

 

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...