1938/Delegatët e prefekturave në dasmën e Mbretit Zog

Saturday, 27 Prill 2019 10:14
Pamje nga ceremonia e dasmës dhe vendi ku u zhvillua ajo Pamje nga ceremonia e dasmës dhe vendi ku u zhvillua ajo

Nga Kastriot Dervishi

Martesa Mbretërore ishte lënë të celebrohej më 27 prill 1938, si datë që korrespondonte me martesën e Skënderbeut me Donikën, në vitin e largët 1451. Ndër të ftuarit kryesorë të dasmës Mbretërore vërehej ministri i Jashtëm italian, Ciano, i dërguari i Viktor Emanuelit III, Duka i Bergamos dhe përfaqësuesit e të gjitha shteteve me seli diplomatike në Tiranë. Në Dasmën Mbretërore çdo prefekturë u përfaqësua me “dasmorët” e vet, me këto emra:

DURRËSI: Kristaq Zaguridha, Ramazan Jella, Kleanthi Mineu, Hajdar Qesja.

DIBRA: Dule Saçeni, Murat Kaloshi, Dine Hoxha, Jusuf Beg Selmani.

BERATI: Kahreman Vrioni, dr. Kallogjeri, Neki Ruli, Vangjel Haxhistasa.

ELBASANI: Qemal Karaosmani, Aleksandër Xhuvani, Shefqet Daiu, dr. Hamdi Sulçebe.

KORÇA: Tefik Panariti, Stavri Ballauri, Nuçi Mborja, Selim Mborja.

SHKODRA: Gjon Çoba, Faslli Ademi, Sulejman Hoti, Gjovalin Koliqi.

KOSOVA: Binak Krasniqi, Destan Sul Elezi, Osman Lita, Xheladin Nushi.

VLORA: av. Josif Kedhi, Kristaq Strati, dr. Qemali, Qerim Gurambardhi.

GJIROKASTRA: Xhemal Xheneti, Aleks Çeçi, Fejzi Selfo, Vangjel Koça.

TIRANA: Rrok Berisha, Xhelo Dibra, dr. Thanas Shundi, Beqir Kallçiu.

Bashkia e Tiranës dhe kryetari i saj, Abedin Nepravishta, në bashkëpunim me Oborrin Mbretëror, organizuan një program dinjitoz të Martesës Mbretërore. Festimet filluan qysh më 25 prill 1938. Në të gjitha ndërtesat qeveritare dhe private u ngritën flamujt kombëtarë dhe ato u stolisën si për festë. Në Mauzeleumin e Nënës Mbretëreshë, u vendosën kurora nga Qeveria, Parlamenti, Komanda e Mbrojtjes Kombëtare, Komanda e Xhandarmërisë, Gruaja Shqiptare, Bashkia e Tiranës, delegacionet e qarqeve, përfaqësuesit e shtypit kombëtar dhe nga Instituti “Nana Mbretëreshë”. Në sheshin “Skënderbej”, para Bashkisë së Tiranës, kryetari i saj, mbajti një fjalim duke i shpallur të hapura festimet, ndërkohë që u dëgjuan edhe breshëritë e 21 të shtënave të topit. Pas kësaj fjale, banda frymore ekzekuton himnin kombëtar e atë mbretëror dhe në vazhdim drejtohet përmes rrugës “Karnarvon”, në Pallatin Mbretëror, në Pallatin e Princeshave, rrugën “28 nëntori”, sheshin “Skënderbej”, Tiranën e re, Pallatin e Gerardinës dhe sërish në sheshin kryesor të Tiranës. Familja Mbretërore pagoi shpenzimet e të gjitha çifteve që martoheshin më 27 prill 1938. Në darkë dhe në orën 22.00 në shtëpinë e oficerëve (sot Lidhja e Shkrimtarëve) u dha një pritje nga Komanda e Mbrojtjes Kombëtare. 27 prilli, dita zyrtare e dasmës, u hap me lutje në të gjitha objektet e kultit të Tiranës, ku morën pjesë anëtarë të Qeverisë, Parlamentit, delegacione të qarqeve, paria e aristokracisë e Budapestit dhe Vjenës, etj. Të pranishëm ishin edhe të afërmit e Geraldinës, gjyshja, nëna, vëllezërit Xhula e Gi, motra Silvanë dhe të afërm të tjerë. Në këtë ceremoni, tri motrat e Mbretit Zog dhe tri mikesha të Geraldinës janë paraqitur me vellot e tyre të tejdukshme. Në Pallatin Mbretëror, ceremonia filloi me kurorëzimit e martesës, e shoqëruar me zbrazjen e 101 të shtënave të topit dhe zhurmën e kambanave të objekteve të kultit. Akti i martesës, u redaktua në dy origjinalë dhe u nënshkrua prej Mbretit, Mbretëreshës, Hiqmet Delvinës (nënkryetar i Parlamentit), Andrea Saatçiut (nga Gjykata e Diktimit), 4 dëshmitarëve – që ishin Princi Abid e Konti Ciano për Mbretin dhe ambasadori hungarez në Shqipëri e një kushërirë e saj për Mbretëreshën.

Ceremonia e nënshkrimit u zhvillua në oborrin e pallatit, sot sheshi para shkallëve të vjetra të Akademisë së Shkencave (shih foton). Për këtë arsye, ishte bërë një tendë e gjatë e stilosur për të përfituar si sipërfaqe me praninë e shumë të ftuarve.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Dy turistët e huaj plagosen në Sarandë, nisen me helikopter drejt Tiranës

Aktualitet

Dy turistët e huaj plagosen në Sarandë, nisen me helikopter drejt Tiranës

aksidenti me motor. Mësohet se dy turistët nga Suedia dhe Italia kanë marrë plagë të rënda në trup.   Ata janë transportuar me helikopter drejt Spitalit të Traumës në kryeqytet, ndërkohë që ende...

VIDEO/ Policia rrethon zonën tek “Unaza e Re”, banori: Mund të ketë përplasje

Politikë

VIDEO/ Policia rrethon zonën tek “Unaza e Re”, banori: Mund të ketë përplasje

Vijojnë presionet shtetërore nga banorëve të Unazës së Re. Teksa protesta e tyre vijon të jetë e përditshme prej muajsh tashmë, qeveria dhe bashkia e Tiranës herë pas here i provokon...

Fati i Teatrit Kombëtar/ Budina: Është e dhimbshme! Po zhdukim çdo gjë të vjetër në qytet

Aktualitet

Fati i Teatrit Kombëtar/ Budina: Është e dhimbshme! Po zhdukim çdo gjë të vjetër në qytet

I ftuar në Syri TV, regjisori Edmond Budina ka komentuar lëvizjet e ditëve të fundit në mbrojte të Teatrit Kombëtar. Sipas tij, shqiptarët duhet të ndryshojnë mendësi, ndërsa akuzoi se çdo...

Sondazh

Nothing found!

Sondazh

Nothing found!