1992/Vendimet që hoqën kufomën e Enver Hoxhës nga varrezat e dëshmorëve

E Enjte, 02 May 2019 19:04

Nga Kastriot Dervishi

Në vitin 1992 kufoma e Enver Hoxhës dhe eshtrat që i takonin personave të tjerë, u hoqën nga varrezat e dëshmorëve të kombit. Në atë kohë, dolën dy akte, një vendim qeverie dhe vendim i presidentit. Nga varrezat e dëshmorëve u hoqën personat që nuk ishin vrarë në luftë. Konkretisht aktet. Në listat shoqëruese, dallohen këto akte.

1-Me vendimin nr.135, datë 28.4.1992, Këshilli i Ministrave vendosi heqjen e eshtrave të personave jodëshmorë nga varrezat e dëshmorëve të atdheut, të vendosura aty në kundërshtim me udhëzimin e Presidiumit të Kuvendit Popullor, nr.737, datë 18.10.1969 “Për dëshmorët e atdheut dhe varrezat e tyre”. Ngarkohej për zbatimin e vendimit Ministria e Ndërtimit, Strehimit e Rregullimeve Publike, si dhe Komiteti Ekzekutiv i Këshillit Popullor të Rrethit Tiranë.

2-Me vendimin nr.28, datë 1.5.1992, Presidenti i Republikës, Sali Berisha, me propozim të Këshillit të Ministrave, vendosi heqjen e eshtrave të personave jodëshmorë nga varrezat e dëshmorëve të atdheut, të vendosura në to me vendime të Presidiumit të Kuvendit Popullor apo me vendime të përbashkëta të Presidiumit të Kuvendit Popullor e të Këshillit të Ministrave. Vendimi përmend aktet e mëparshme, por jo emra. Ato gjenden në një shkresë tjetër. Për Alqi Kondin dhe Nako Spirun nuk disponoheshin të dhëna.

I-Vendime të Presidiumit të Kuvendit Popullor

1-Todo Manço, nr.219, datë 7.11.1974

2-Kahreman Ylli, nr.233, datë 4.9.1975

3-Hysni Kapo, nr.248, datë 24.9.1979

4-Spiro Moisiu, nr.266, datë 13.4.1981

II-Vendime të përbashkëta të Presidiumit të Kuvendit Popullor e Këshillit të Ministrave

1-Josif Pashko, datë 6.9.1963

2-Medar Shtylla, datë 20.12.1963

III-Me vendime të komisioneve të varrimit

1-Gogo Nushi, datë 9.4.1970

2-Enver Hoxha, datë 11.4.1985

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Kaltrinë Uka merr çmimin e dytë në konkursin letrar “Ora e Agimit”

Kulturë

Kaltrinë Uka merr çmimin e dytë në konkursin letrar “Ora e Agimit”

Eshte mbajtur dje manifestimi letrar “Ora e Agimit” ne Podujeve. “Organizuar nga Forumi i Rinisë së LDK-së në Podujevë, në përvjetorin e dytë të shkuarjes në amshim të veprimtarit të...

Mediat: Trajneri Reja fton tre futbollistë të Partizanit në Kombëtare

Sport

Mediat: Trajneri Reja fton tre futbollistë të Partizanit në Kombëtare

Trajneri i Kombëtares, Edi Reja duket se do t’i kushtojë më shumë vëmendje Kategorisë Superiore në krahasim me paraardhësit e tij, që preferonin futbollistet që luanin në kampionate të ndryshme...

Humbën kontaktet në Theth, pas disa orësh kërkime gjenden tre turistët anglezë

Aktualitet

Humbën kontaktet në Theth, pas disa orësh kërkime gjenden tre turistët anglezë

Tre turistë anglezë në zonën turistike malore të Thethit mbrëmjen e djeshme kanë humbur komunikimin mes tyre në zonën e quajtur Qafë Thore dhe kanë kërkuar ndihmën e Policisë. Pas disa...

Sondazh

Nothing found!

Sondazh

Nothing found!