1987/Sigurimi e mësoi pas 3 muajsh vdekjen e Bilal Xhaferrit

Hënë, 27 May 2019 18:24

Nga Kastriot Dervishi

Me përjashtim të një orvatje të vërtetuar për të vrarë Sadik Premten, nuk njihen raste të tjera që arma e Sigurimit të Shtetit të ketë bërë tentativa për njerëzit e rëndësishëm të emigracionit politik antikomunist shqiptar. Në të kundërt, për t’u dukur sikur ishin të aftë, kanë përhapur rregullisht në Shqipëri sikur ishin prapa vdekjeve të ndryshme, ndër ta edhe rastet e A.Kondos dhe B.Xhaferrit, të dy të emigruar në SHBA. Vdekjen e Aleksandër Kondos, Sigurimi e mësoi nëpërmjet Radios “Zëri i Amerikës”. Nuk kishte kurrfarë mundësie më shumë.

Bilal Xhaferri(1935-1986) apo Bilal Xhaferr Hoxha, u arratis nga Shqipëria në Greqi në vitin 1969. Një vit më pas mbërriti në Boston të SHBA-së, ku punoi në gazetën “Dielli”. Nga viti 1974 u vendos në Çikago ku nxori 39 numra të revistës “Krahu i shqiponjës”-organ i Lidhjes Çame. Vdiq më 14 tetor 1986.

Bilali ndiqej nga Sigurimi në vitet 1963-1964 në kontroll operativ 2B dhe në vitet 1964-1969 në përpunim aktiv 2A. Në emigracion informacionet që merr Drejtoria e Tretë për Bilal Xhaferrin janë kryesisht mediokre, nëpërmjet gazetave. I pari plan masash në drejtim të tij hartohet në vitin 1981. Ngarkohej me detyra rezidentura e misionit në Nju-Jork, ndërsa i përmenduri banonte në Nju-Jork. Paralelisht ndiqte përpunimin edhe DPB Durrës.

Plani i fundit i masave që ndiqte Drejtoria e Tretë e Sigurimit të Shtetit në MPB, për Bilal Xhaferrin i takon datës 28.7.1986. Në drejtim të tij ishte interesi të mësohej për lidhjet me Ballin Kombëtar, Legalitetin dhe Leka Zogun. E dhëna e fundit për të nga brenda Shqipërisë (nga Durrësi) i takon datës 21.1.1987. Vetëm më 23.1.1987 nëpërmjet misionit shqiptar në Nju-Jork që mbulonte edhe çështjet e “spiunazhit” në SHBA u mësua vdekja e Bilal Xhaferrit. Më para mund ta mësoje duke ndjekur burimet e hapura se sa ta merrje vesh nga një armë injorantësh dhe të paaftësh si Sigurimi i Shtetit.

Modifikuar më Hënë, 27 May 2019 18:55

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

‘Butrinti me koncesion’, Neritan Ceka: Fondacioni fantazmë me plan mafioz, po vepron praktika e Gadafit

Kulturë

‘Butrinti me koncesion’, Neritan Ceka: Fondacioni fantazmë me plan mafioz, po vepron praktika e Gadafit

Politikani dhe arkeologu i njohur, Neritan Ceka ka folur ashpër për “Planin e menaxhimit të integruar të Butrintit”, i cili u dorëzua dy ditë më parë në Ministrinë e Kulturës...

‘Mosha e tretë, në mëshirë të fatit’, LSI: Skandal

Politikë

‘Mosha e tretë, në mëshirë të fatit’, LSI: Skandal

LSI akuzon qeverinë se ka braktisur shtresat vunerabët të shoqërisë shqiptare, ku bëjnë pjesë edhe pensionistët. Ish-deputetja e LSI, Nora Malaj, tha në një konferencë për media se “Qeveria nuk guxon...

U rrahën në mes të Tiranës, Einxhel Shkira flet për herë të parë

Show-biz

U rrahën në mes të Tiranës, Einxhel Shkira flet për herë të parë

Ditën e djeshme, burime për “Iconstyle.al” treguan se në zonën e Liqenit të Thatë në Tiranë kishte plasur sherri mes Einxhel Shkirës, Kejvina Kthellës dhe Oriola Marashit. Siç u mësua, vajzat...

Sondazh

Nothing found!

Sondazh

Nothing found!