Saoud al-Qahtani, këshilltari i Gjykatës së Mbretërisë Saudite, ka bërë me dije se Arabia do të ndërtojë një kanal detar përgjatë kufirit me Katarin në mënyrë që ta izolojë plotësisht këtë të fundit, duke e kthyer nga gadishull në ishull, pa lidhje tokësore me asnjë shtet tjetër.

Kjo nismë vjen pas një sërë bllokadash të tjera që Arabia Saudite, Egjipti dhe Emiratet e Bashkuara Arabe i bënë Dohas, kryeqytetit katarian, verën e kaluar.

Sipas raportimeve të mediave vendase kanali detar do të ndërtohet brënda 12 muajsh dhe gjatësia e tij do të jetë rreth 60 kilometra.

Tensionet midis Arabisë dhe Katarit erdhën si pasojë e kërkesave të vëndeve arabe ndaj këtij të fundit që të mbyllte televizionin Al-Jazeera dhe të ndërpriste mardhëniet diplomatike me Iranin.