Ashpërsohet lufta për Tripolin në Libi

Hënë, 15 Prill 2019 09:36

Numri i viktimave në luftimet përreth kryeqytetit libian, Tripoli u dyfishua gjatë fundjavës. Më shumë se 120 vetë kanë humbur jetën në këto luftime. Bashkimi Europian tërhoqi punonjësit e tij nga Libia.

Në luftimet përreth kryeqytetit libian, Tripoli kanë humbur jetën të paktën 121 vetë, ka bërë të ditur, Organizata Botërore e Shëndetësisë. 561 vetë janë plagosur nga 4 prilli, koha kur shpërtheu konflikti i armatosur. OBSH bëri të ditur, se do të ofrojë ndihmë mjekësore dhe do të nisë punonjës të tjerë në Tripoli, por shpreh shqetësimin, se puna e saj pengohet. Kjo organizatë dënoi „sulmet e përsëritura” ndaj ndihmësve dhe urgjencave të shpëtimit në kryeqytetin libian.

Për shkak të luftimeve të ashpra, Bashkimi Europian i tërhoqi punonjësit e misionit ndërkombëtar të sigurimit të kufijve, EUBAM dhe i dërgoi në Tunizi. E ngarkuara e BE-së për Politikën e Jashtme, Federica Mogherini u drejtoi së fundmi thirrje trupave në lindje të Libisë të gjeneralit Khalifa Haftari të ndërpresin operacionet ushtarake dhe të kthehen në tavolinën e bisedimeve nën drejtimin e OKB-së.

Haftar vazhdon ofensivën

Megjithë apelet ndërkombëtare për paqen, nuk ka shenja të qetësimit të konfliktit të armatosur në Libi. Kreu i parlamentit libianolindor, Aguila Saleh, bëri të ditur në fundjavë, se gjenerali i rebelëve, Haftari do të vazhdojë ofensivën e tij kundër qeverisë së njohur ndërkombëtarisht. Haftari është komandanti i të vetëshpallurës „Ushtria Kombëtare Libiane”, LNA, që mbështetet nga grupet rivalizuese në lindje të vendit. „Ne i sigurojmë qytetarët e Tripolit, se fushata për çlirimin e Tripolit do të jetë e kufizuar, dhe nuk do të shkelen liritë e tyre, por do të rivendoset siguria dhe do të luftohet terrorizmi”, ka thënë Saleh.

Trupa e LNA sigurojnë portet e naftës

Njësitë e trupave mbështetëse të qeverisë në Tripoli kanë frenuar deri më tani ofensivën e Haftarit kundër Tripolit. Luftimet janë përqëndruar së fundmi në një aeroport, afër 11 kilometra qendrës së qytetit. Në Lindje të Libisë, një njësi e LNA-së përgatitet për të siguruar dy portet kryesore libiane të naftës, Es Sider dhe Ras Lanuf. Qeveria kundërshtare libianolindore, sipas të dhënave të saj, pret një sulm të grupeve të armatosura besnike të qeverisë në Tripoli. Nëse kjo ndodh, atëherë në konfliktin libian hapet një front i ri lufte. DW

Modifikuar më Hënë, 15 Prill 2019 12:43

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Nik Qafoku nderohet me çmimin për karrierë në kiminë e tokës nga Shoqata e Shkencës së Tokës në Amerikë

Aktualitet

Nik Qafoku nderohet me çmimin për karrierë në kiminë e tokës nga Shoqata e Shkencës së Tokës në Amerikë

Nik Qafoku mori cmimin Jackson të Shoqatës së Shkencës së Tokës në Amerikë për vitin 2019 për kontributin e tij në kiminë e tokës dhe minierologjisë. Këtu është një pamje e...

‘Parlamenti është kthyer në një haur’/ Ceka-Ramës: Flet me fjalorin e Spiropalit

Politikë

‘Parlamenti është kthyer në një haur’/ Ceka-Ramës: Flet me fjalorin e Spiropalit

Nga Aristir Lumezi Politikani i njohur Neritan Ceka iu përgjigj deklaratave të bëra dje nga Kryeministri Rama, duke thënë se flet me gjuhën e Elisa Spiropalit, ndërsa e sfidon në një...

Protestuan kundër Ramës, tre korçarë nën hetim

Politikë

Protestuan kundër Ramës, tre korçarë nën hetim

Procedohen penalisht 3 shtetas për veprat penale ‘Kundërshtimi i punonjësit të policisë së rendit publik’, ‘Goditjet për shkak të detyrës’ dhe ‘Prishja e qetësisë publike’. Policia e Korçës, bazuar në pamjet...

Sondazh

Nothing found!

Sondazh

Nothing found!