Greqi, 6 të vdekur dhe 120 të plagosur nga moti i keq

E Enjte, 11 July 2019 08:50

Gjashtë persona kanë humbur jetën dhe dhjetëra janë plagosur pas një stuhie të fuqishme që ka prekur zonën turistike të Halkidhikisë rreth 80 km në lindje të Selanikut.

Pas një vale të motit të nxehtë me temperatura që shkuan mbi 38 gradë, në disa zona të Greqisë qendrore dhe asaj lindore moti është përkeqësuar dhe janë regjistruar fenomene të tejskajshme të motit.

Mbi 5000 vetëtima janë regjistruar brenda gjysmë ore në Sithoni të Halkidhikisë, ndërsa stuhia është shoqëruar edhe me rreshje të rrëmbyera shiu.

Midis viktimave janë dy fëmijë, një prej tyre vetëm 8 vjeç nga Rumania, i cili ka humbur jetën kur është shembur nga era e fuqishme çatia e një restoranti që ka zënë nën vete dhe ka plagosur për vdekje edhe një 54 vjeçare.

Gjithashtu një çift i moshuar nga Çekia kanë humbur jetën brenda një automjeti kur ai është rrëmbyer nga era.

Të paktën 120 vetë janë dërguar në spitalin e zonës dhe disa prej tyre janë dërguar në Selanik pasi kanë pasur plagë të rënda, ndërsa në zonë kanë operuar mbi 150 zjarrfikës dhe nëpunës të bashkive me 50 mjete.

Pasi në disa bashki ka ndërprerje të energjisë elektrike dhe të ujit të pijshëm prej orës gjashtë të mëngjesit zona e Halkidhikisë e mbushur në këto ditë me mijëra turistë të huaj është shpallur në gjendje të jashtëzakonshme ndërsa ka mbërritur për të inspektuar situatën vetë ministri i Mbrojtjes së Qytetarit shkruan tch.

Ndërkohë fenomene të tejskajshme të motit janë regjistruar edhe në Korfuz, si dhe në Rodopi, në kufi me Turqinë.

Modifikuar më E Enjte, 11 July 2019 09:09

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Shqiptarët të parët për azil dhe në Itali

Aktualitet

Shqiptarët të parët për azil dhe në Itali

Emmanuel Macron, President i Francës: Si mund t’ua shpjegoj unë bashkëqytetarëve të mi, se vendi i dytë, qytetarët e të cilit kërkojnë azil në Francë, janë njerëz që vijnë nga...

Protestat në Katalonjë, rrezikohet “El Clasico”, kërkohet shtyrja

Sport

Protestat në Katalonjë, rrezikohet “El Clasico”, kërkohet shtyrja

“El Clasico” i futbollit Barcelona-Real Madrid rrezikon të mos luhet fundjavën e ardhshme, në datën 26 tetor. Federata spanjolle e futbollit kërkon shtyrjen e supersfidës për shkak të tensioneve që...

5000 firmat për krijimin e lëvizjes "Gratë e Unazës për Dinjitet"

Aktualitet

5000 firmat për krijimin e lëvizjes "Gratë e Unazës për Dinjitet"

Është krijuar lëvizja ‘Gratë e Unazës për Dinjitet’ pas gjestit shumë të ulur që Z.Borchard bëri datën e 13 tetorit. Dhe ditën e sotmë ato kanë dalë para mediave dhe kanë...

Sondazh

Nothing found!

Sondazh

Nothing found!