Pritet marrëveshje e re për Brexit, Johnson nis turin europian

Tuesday, 20 August 2019 08:30

Drejtimi që do të marrë Brexit mund të bëhet më i qartë gjatë kësaj jave, ndërkohë që kryeministri i Mbretërisë së Bashkuar, Boris Johnson, pritet të takohet me homologët e tij në Gjermani dhe Francë.

Udhëtimi i Johnson të mërkurën në Berlin dhe të enjten në Paris do të jetë vizita e parë jashtë vendit, që kur mori detyrën në 10 korrik. Johnson ka hedhur poshtë vazhdimisht marrëveshjen ekzistuese të Brexit dhe ka deklaruar se Britania do të largohet nga unioni më 31 tetor, me ose pa marrëveshje.

Por, ekziston një dëshirë e qeverisë britanike për të arritur një marrëveshje të re, duke i bërë takimet me kancelaren Merkel dhe Presidentin Macron potencialisht kritike për rifillimin e bisedimeve, shkruan Scan.tv.

Qeveria britanike është përpjekur të mbrojë planet e saj të Brexit, gjatë 24 orëve të fundit, pas rrjedhjes së një raporti të brendshëm, i titulluar “Operacioni Çekiçi i Verdhë” (Operation Yellowhammer). Raporti paralajmëron për çrregullime të mëdha në porte, një kufi të vështirë me Irlandën e Veriut dhe mungesa të mundshme të ushqimeve, ilaçeve dhe karburanteve, në rastin e një Brexit pa marrëveshje.

Por, qeveria e hodhi poshtë raportin duke thënë se ishte hartuar nga qeveria e mëparshme. Ndërsa, Michael Gove, ministri i ngarkuar për planifikimin e një Brexit pa marrëveshje, tha se raporti merrte në konsideratë skenarin më të keq të mundshëm.

Ndërkohë, kryeministri Boris Johnson gjatë takimeve me Merkel dhe Macron, pritet të kërkojë një marrëveshje të re të Brexit, por do të insistojë se Britania do të dalë nga unioni më 31 tetor, me ose pa marrëveshje. Por, Bashkimi Europian ka deklaruar se nuk do të rinegociojë kushtet e arritura me ish-kryeministren Theresa May.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Konservatorët sigurojnë edhe një mandat në Poloni

Globi

Konservatorët sigurojnë edhe një mandat në Poloni

Partia konservatore në pushtet, Ligji dhe Drejtësia, është fituese e shumicës në zgjedhjet parlamentare të së dielës në Poloni, duke siguruar kësisoj edhe një mandat katërvjeçar për të vazhduar reformat...

Dënohen me burgim 9 udhëheqës të Katalonjës

Globi

Dënohen me burgim 9 udhëheqës të Katalonjës

Gjykata e Lartë spanjolle i dënoi me nga 9 deri në 13 vjet heqje lirie 9 udhëheqës rë Katalonjës për rolin e tyre në përpjekjet për pavarësinë e rajonit në...

Kosovë: Autoritetet po hetojnë shkaqet e ndërprerjes së verifikimit të votave nga Serbia

Bota Shqiptare

Kosovë: Autoritetet po hetojnë shkaqet e ndërprerjes së verifikimit të votave nga Serbia

Presidenti i Kosovës, Hashim Thaçi, u bëri thirrje të hënën institucioneve të sigurisë që të hetojnë dhe të zbardhin dyshimet për, siç thuhet, helmimin e personelit të Komisionit Qendror të...

Sondazh

Nothing found!

Sondazh

Nothing found!