Protesta e jelekverdhëve, edhe nga videot e fotot e publikuara nga mediat ndërkombëtare, nuk ka qenë aspak paqësore. Prej disa ditësh, protestuesit i vunë zjarrin rrugëve të Parisit.
Një tjetër video ka qarkulluar në rrjetet sociale, ku një protestues, ka grushtuar policët në Francë. Nga pamjet shihet një ish kampion francez i boksit, i cili i ka grushtuar forcat e policisë. Boksieri ka pranuar një shumë, ku e tejkalon shifrën 100 mijë e eurove, përmes donacioneve në internet/ ky veprim e ka zemëruar qeverinë franceze.
Platforma për mbledhje të fondeve në internet, “Leetchi”, ka shërbyer për t’i mbledhur 114 mijë euro për ish boksierin Christophe Dettinger, para se faqja të mbyllet për shkak se politikanët janë shprehur të zemëruar me realizimin e këtij veprimi.
Platforma e internetit ka deklaruar se këto fonde do të përdoren vetëm për shpenzimet e gjykatave. Ish kampioni ka thënë se e ka nervozuar shumë gazi lotsjellës i policisë.
