Megjithëse është 1230 vjeçare, pema më e vjetër në Evropë po vazhdon të rritet, teksa shkencëtarët thonë se kjo pishë vazhdon të zhvillohet, duke shtuar rrathë të konsiderueshëm në trung.
Studiuesit që e kanë emëruar ‘Italus’, thonë se pisha i mbijetoi nxehtësive ekstreme dhe thatësirave të shumta. Studimi i kësaj pishe, pritet të ndihmojë shkencëtarët, që të mësojnë më shumë se si ndikojnë ndryshimet klimatike në pemët malore.
Sipas studimit të botuar në ‘Ecology’, Italus ka mbirë në faqemalin shkëmbor të jugut të Italisë, në vitin 789 Pas Erës Sonë.
Kjo pemë është gjetur rastësisht, pasi po bëheshin studime dhe vëzhgime nga Universiteti Tuscia, nëpër hapësirën e Parkut Nacional Pollino.
Pisha e llojit Helderich, që zakonisht ndodhen në atë hapësirë shkëmbore, i ka mbijetuar motit të ftohtë që ishte gjatë Mesjetës, si dhe temperaturave të larta së fundmi.