Dita ditës po shikohet se prania dhe veprimtaria e ish- drejtueses së Delegacionit të BE-së, Romana Vlahutin në Tiranë më shumë i ka sjellë dëme se sa të mira Shqipërisë. Së fundi, edhe kur ajo ka kohë që ka ikur dhe është zëvendësuar në postin e saj, përsëri pasojat negative për vendin tonë ndihen, madje në mënyrë të konsiderueshme, sidomos kur bëhet fjalë për fondet e BE-së në drejtim të Shqipërisë, të cilat në të shumtën e rasteve janë abuzuar, për të mos thënë vjedhur e shpërdoruar. Sipas një raporti të të vitit të kaluar, Komisioni i Kontrollit të Buxhetit (CONT) i Parlamentit Europian erdhi në Shqipëri për të kryer misionin e parë fakt-mbledhës pasi ishin ngritur dyshime lidhur me procedurën e prokurimit të vilës që do të shërbente si vendbanimi i ri i drejtueses së Delegacionit të BE-së, Romana Vlahutin. U arrit në konkluzionin se ky abuzim kishte “dëmtuar rëndë imazhin e BE-së”.

Shpesh herë institucione, drejtues apo intelektualë të ndryshëm kanë denoncuar keqpërdorimin e fondeve të BE-së në Shqipëri, pasi ato janë më shumë klienteliste, të keqmenaxhuara dhe ku ka vjedhje të hapura. Kjo praktikë ka kohë që ndiqet në vendin tonë.

Keqmenaxhim e shpërdorime ka pasur edhe me projektet e financuara nga BE në Shëngjin e Ksamil, që sipas raportit të vetë BE-së,  janë raste të qarta të keqadministrimit. Po ashtu edhe një fond prej 250 mirë eurosh që do jepeshin nga BE për varrezat ilire të Selcës në Pogradec, u anullua.

Pasojat e shpërdorimeve, abuzimeve dhe vjedhjet e Vllahutinit & Company do t’i vuajë vendi ynë, pasi përfundimi i CONT është ky: sugjerohet që qeveria shqiptare të humbasë fondet e IPA për të gjithë projektet se bashku.  BE penalizon vendin tonë, jo drejtuesit e tij, penalizon projektet që presin, jo shpërdoruesit. Ja pra se si edhe e ikur Vllahutin varros fondet për Shqipërinë.