VIDEO/ Poezia e Flutura Açkës që rrëqethi turmën gjatë protestës. Çfarë humbët dje nga tubimi

Tuesday, 14 May 2019 17:17

Protesta-marshim e opozitës përveç një demonstrimi ‘forcës së numrave’, u shoqërua dje dhe me një interpretim artistik.

Poezia e Flutura Açkës ka rrëqethur turmën, pas interpretimit që iu bë në publik nga Taulanda Jupi, përfaqësuese e Aleancës për Mbrojtjen e Teatrit.


Poetja disa ditë më parë ka shprehur mbështetjen e saj për protestuesit e opozitës, duke i dedikuar në vargje mendimin e saj.

SHIKO VIDEON

Poezie e Flutura Açkes rrenqeth turmen ne protesten e opozites on Vidnews.

Teksti i poezisë së Flutura Açkës

Nën gaz Tirana e pagaz

Ti shkel mbi ta me thundër,
me sarkazmë,
me hekurbeton,
me oxazepine i verbon,
me taftatë e grave të mira të vendit tim,
që të dinë të mirë,
e t’duartrokasin me pahir,
përgatit qefinë.

Me helm ua ngjyen natën,
në shijen e darkës ua tret t’idhtën nikotinë,
me të fundmet grahma të durimit,
thur haluçinimet e tua në cyber space,
me tënden rutinë.
Me rruazat e syve të fëmijëve,
që diell ëndërrojnë,
thur zinxhirë të rinj errësire,
një të re plojë.

T’mbyllta duken dritaret,
ajri i natës vika era përzhimë,
a i ndien,
apo s’ta ndjen?

Me marka kollaresh të shndritshme,
var shpresën e tyre çdo ditë,
nuk harron t’u veshësh,
xhaketa dalëboje batutash,
trupin ua e kafshon çdo mbrëmje,
me fjalor ngjyrëeurope,
me zhargon rrugërie qesëndis,
me huqin e kumarit me djajtë,
n’short ua e hedh përditë atdhedashurinë.

Ti llapaqeni shik i pleqënisë,
që kohët moderne parlament i thanë,
ashtu, me ëndrrën perverse të përjetësisë divine,
si faraonët mbi Nil, masturbon mbi Lanë.

Ti tani je qenie pa liri,
cub, që nga fermenti i luksit qelbesh bërsi.
Me farë djalli, ti farë djali,
gjithë ditën e lume loz me tënden rraketake,
dhe ngjyen me britma makinën e memories së Atdheut,
të lodhur nga plagët n’fytyrë e n’shpinë.

Në gjah ke dalë,
mes parkut fantazmë të kullave të tua,
me pemë betoni të zëna në kurthin e dhunës,
aty, zagarët e tu nën orgazma kimike,
t’i lëpijnë të lumtur lustrinat e luksit,
pushtetin tënd prej rëre,
dehjen diabolike.

Me ç’materie të prishur,
mbushur silikoni i kafkës tënde,
ku sheh ëndrra sulltanësh në fronë,
që veç thyejnë e shqyejnë,
tymosin e zhbëjnë,
thërrmojnë e ngjyejnë,
helmojnë e fyejnë,
shpëlajnë e lyejnë,
durimin tonë.

Trembur, zhveshur kujtese qyteti,
mbulohet me petka të hidhura ëndrrash,
por ti s’e sheh,
shpejt nata në ufëm do pëlcasë:
Zot, Ajme!
Ku je?

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Basha: Rama, përmes krimit, kontrollon çdo institucion në Durrës

Politikë

Basha: Rama, përmes krimit, kontrollon çdo institucion në Durrës

Kreu i PD-së, Lulzim Basha, përmes një postimi në facebook, shprehet se kryeministri Edi Rama përmes krimit të organizuar kontrollon pushtetin lokal, drejtësinë dhe çdo institucion tjetër të Durrësit. Për...

Horoskopi i datës 20 korrik 2019

Horoskopi

Horoskopi i datës 20 korrik 2019

Dashi Në vend që të fiksoheni pas gjërave pa asnjë rëndësi, mundohuni të zgjidhni çështjet e mëdha të lëna pezull. Nëse keni një lidhje, jeta juaj sentimentale do jetë komplekse dhe...

Parashikimi i motit, 19 korrik 2019

Moti

Parashikimi i motit, 19 korrik 2019

Sipas MeteoAlb, vendi mbetet nën kushte të qëndrueshme atmosferike, ku kthjellime dhe vranësira kalimtare do të vijojnë të mbeten dominonte. Por pas mesditës do të kemi një zhvillim të vranësirave...

Sondazh

Nothing found!

Sondazh

Nothing found!