Bishtin vërjani vetë

Premte, 12 July 2019 17:32

 Nga Qemal SAKAJEVA

Nëse do të kishte një “mosbindje qytetare”, të gjuhëtarëve dhe mbrojtësve të gjuhës, pak  tabela sinjalizuese mund të mbesnin në këmbë.  Qytetet dhe rrugët ndërqytetëse janë të përmbytura me gabime gjuhësore, në tabelat që shërbejnë për orientimin e njerëzve dhe të automjeteve, vetëm nga mospërdorimi i germave ë dhe ç, apo prej keqpërdorimit të shkronjave e dhe c.

Kurse në Korçë, mu në qendër të qytetit, gjendet një gabim i gdhendur  në metal.  Aty është teatri i njohur, me fasadë nga sheshi ku hyjnë dhe dalin disa rrugë dhe qarkullojnë shumë qytetarë. Mu në ballë, në një lartësi që nuk i shpëton vështrimit të njerëzve, është shkruar më shkronja shumë të mëdha metalike “Teatri Andon Zako Cajupi”. Kjo të bën të  qëndrosh, ta kundrosh e të mendosh: çfarë vështirësie ka pasur që mbiemri i poetit të njohur nuk është i shkruar saktë?

Të gjithë e dinë  nga gjeografia se në jug të Shqipërisë ka një mal me emrin Çajupi, - jo Cajupi.

Të gjithë e dinë se shkrimtari i “Baba Tomorit” e ka emrin Andon Zako Çajupi, dhe më shpesh thirret me mbiemrin  Çajupi.

Por në fasadë të teatrit të qytetit të Korçës të thonë jo: aty shkruhet Cajupi në metal!

Sidoqoftë diçka duhet korrigjuar.

Ose në librat e shkrimtarit duhet ndryshuar mbiemri nga Çajupi në Cajupi. Ose në librat e gjeografisë duhet ndryshuar emri i malit në Cajupi. Ose në teatrin e qytetit duhet dikush t’i vërë një palë shkallë të larta e ta heqë shkrimin me gabim.

Kur fëmijët filloristë mbërrijnë të shkronja ç e abetares, - pasi i kanë mësuar germat a, b dhe  c, -  ka disa mësues që për lehtësi kuptimi u thonë: “Shkronja ç është si germa  c, por me bisht”. Mësuesit nuk i lejojnë fëmijët që, germën ç ta shkruajnë si c, dhe t’u thonë “bishtin vërjani  vetë kur lexoni”.

Kur qytetarët hedhin vështrimin mbi emrin e teatrit, apo kur drejtuesit e mjeteve automobilistike dhe udhëtarët vështrojnë tabelat sinjalizuese për të ditur në çfarë drejtimi do të shkojnë, germës c aq të madhe, bishtin duhet t’ia vënë vetë, për ta bërë ç .

Aty kanë shkruar “Teatri Andon Zako Cajupi”, ndërsa ju duhet ta lexoni Çajupi.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...