Aleanca e Vlerave/ Si po i bashkohen Partisë Demokratike qytetarët e zhgënjyer nga keqqeverisja

Saturday, 07 September 2019 17:16

Teksa qeverisjes së Ramës dhe Rilindjes po i rrëshket pushteti, si moralisht ashtu edhe ligjërisht, Partia Demokratike po përpiqet të eksplorojë shtigje të reja elektorale përmes një aleance vlerash, në terren.

Qindra takime janë bërë në muaj korrik e gusht nga zyrtarë të PD dhe lidershipi i saj, si një nevojë urgjente për të kërkuar elektorat përmes aleancave në terren, duke krijuar një lidhje telash me grupet e interesit.

Rigjallërimi dhe forcimi i lidhjeve me grupet tradicionale të djathta për shkak të origjinës, shtresës apo përkatësisë ideologjike po alternohen me çeljen e shtigjeve të reja dhe përthithjen e elektoratit gri, duke tërhequr të pavendosurit dhe përmisuar ofertën politike për ta bërë më tërheqëse dhe më bindëse për pjesën e lëkundur apo zhgënjyer me qeverisjen aktuale.

Kjo lidhje telash me njerëzit e zakonshëm dhe elitën po bëhet nëpërmjet ndryshimit të rrethanave të përfaqësimit politik në opozitë. Pra rilidhje telash jo vetëm me grup votuesin tradicional si ish të përndjekurit politikë, pronarët, çamët nacionalistë e tregtarë, por edhe me gjeneratat e reja të pas 90, që sot janë 27 vjeçarë dhe votojnë prej së paku 10 vitesh. Shoqëria është një kontratë mes gjeneratash. Një lidhje telash me ata që jetojnë, me ata që jetuan dhe me ata që do të jetojnë.

Po forcohen lidhjet organike me bastione të së djathtës ku përfaqësimi ka pasur gjithnjë një peshë specifike me aleancë me grupe potenciale votuesish të djashtë, të tilla si:

Sipërmarrësit e vegjël që bëjnë rreth 40 përqind të tregut të punës të të vetpunësuarëve jashtë sektorit bujqësor.

Profesionistët e lirë që çdo ditë shkojnë në punë, ngrenë qepenat, duke e nisur ditën me minus, për shkak të mungesës së hapësirave dhe taksës së korrupsionit.

Intelektualët (ku përfshihen mendimtarë, shkrimtarë, analistë politikë, njerëz që krijojnë valencë publike)

Pedagogët e Universiteteve dhe studentët- Partia që lindi si parti e studentëve dhe intelektualëve duhet të shfrytëzojë gjithë kapacitetin e saj rekrutues (ideor dhe organizativ) për t’i thithur këto flukse brenda saj.
Fermerët- Nëpërmjet skemave nxitëse të bujqësisë dhe ofrimin e kapitalit investues.

Pas lidhjes së telave duhet të kalojë energjia e ndryshimit, shpjegimi i ofertës politike.

Aleanca e vlerave do mbështesë parimet klasike të së Djathtës së Re të tilla si “shtetin minimal”, konservatorizëm fiskal që nis me disiplinimin e financave publike, ofertën monetare (e parasë) [money supply economics] për kontrollin e inflacionit dhe derregullimin nëpërmjet privatizimit të aseteve toksike shtetërore, reduktimit të burokracive dhe lehtësive për biznesin. Pra një lëvizje që të bashkojë konservatorët sociale dhe fiskalë te liberalët e tregtisë së lirë me thelb konkueshmërinë dhe fleksibilitetin e tregut të punës. PD do mbështetet tek principet e lirive dhe të drejtave të patjetërsueshme të individit dhe dinjitetit të paprekshëm të tij. /Faktor.al

Modifikuar më Saturday, 07 September 2019 17:57
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...