Mashtrimet e Veliajt kanë efektin e arave me kanabis

Hënë, 14 May 2018 12:44

Redaksionale

Lavazh Truri- Të bësh dikë të besojë diçka, duke ia përsëritur si të vërtetë në mënyrë të dhunshme dhe të parandalosh çdo lloj informacioni tjetër ta arrijë atë. Ky është kuptimi fjalë për fjalë nga fjalori i Cambridge i fjalës angleze ‘brainwash’.

E bëra shpjegimin e mësipërm për të kuptuar qartë në fjalitë e mëposhtme se cila është strategjia dhe qëllimi i vetëm i punës së kryetarit të Bashkisë së Tiranës dhe çfarë bën ai konkretisht për ta realizuar atë.

Në fakt kjo strategji pune e Lali Erit, ka qenë e tillë që prej ditës së parë që ai ka qenë aktiv në politikë, dhe gjithnjë e më shumë e ka rritur forcën e propagandës, aq sa do ta kishte zili edhe ministri i Hitlerit, Goebbels.

Lali Erin e sheh çdo ditë dhunshëm në çdo edicion lajmesh, madje edhe kur nuk është në Shqipëri qëllon që inauguron ndonjë ‘punë’. Lali Erin e sheh në çdo emision televiziv apo show, të çdolloj zhanri. E çrëndësi ka. Lali di të këndojë, kërcejë, recitojë, madje është ndër më të mirët për aktrim.

Çdo dalje e tij në fakt nuk është asgjë më shumë dhe asgjë më pak sesa helmi i radhës për qytetarët shqiptarë.

Rrallë e shohim sot të artikuluar nëpër media, kjo edhe për shkak se Lali ka arritur t’i ‘bindë’ me forcën e tij financiare pjesën dërrmuese të mediave në Shqipëri, por helmimi i tij mediatik është i barabartë me dëmin që i kanë shkaktuar arat më kanabis vendit.

Lali nuk jep asnjë herë llogari, asnjë nuk e di se kur është bërë apo sa transparent apo i ligjshëm kanë qenë tenderat e tij. Lali nuk thotë asnjëherë se nga gjenden financimet, janë burime të pastra apo të pista. Lali nuk i intereson efikasiteti i investimeve por vetëm një gjë ka rëndësi: Dhuna dhe helmi i tij mediatik të jetë gjithnjë e më i dhunshëm në familjet shqiptare.

Kanabisi i hapi një plagë të madhe vendit. Më Ramën dhe Tahirin atje ku i takon, vendi do të përpiqet shpejt ta mbjellë plagën dhe të rikuperojë vitet e humbura.

Ajo që duhet bërë është të kthejmë menjëherë vëmendjen te kjo plagë që po hapet çdo ditë nga pak, por në mënyrë të pandalshme, propaganda e rrezikshme nëpërmjet këtij helmi mediatik të Bashkisë së Tiranës, me Erion Veliajn në ballë të punëve.

/55news.al/

Modifikuar më Hënë, 14 May 2018 19:10
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...