Ish-Kryeministri Sali Berisha ka reaguar nëpërmjet një statusi në faqen e tij “Facebook” për praninë e kryeministrit Rama, mbrëmjen e djeshme në emisionin Opinion, ku protagoniste ishin 6 motrat jetime nga Kukësi. Për Berishën prania e tij është tallëse, pasi "halleqarësi" siç e quan ai Ramën u preu kafshatën 20 mijë familjeve shqiptare duke u hequr ndihmën ekonomike dhe tani shkon të shesë bamirësi.

Statusi i plotë i Berishës:

“Duke ndjekur Opinion!

Miq, sonte nuk ju besova syve me çfarë pashë në Opinion!

Në emisionin kushtuar humanizmit, bamirësisë dhe në mënyrë konkrete një familje prej gjashtë jetimesh, në studio si halleqarës ishte ulur edhe njeriu që dy muaj me parë u preu kafshatën 20 mijë familjeve shqiptare! Prania e tij në studio më kujtoi një tregim të Çehovit, ku dy gjahtarë në një pyll vranë një njeri dhe pasi e kontrolluan në xhepa i gjetën një pako me cironka. Kur njeri desh t’i hante ato, mos i prek, – i tha tjetri, – se jemi në kreshmë.

Edhe piktori dështak, pasi u hoqi ndihmën 20 mijë shqiptareve, tani shkon të shesë bamirësi, fjalë që e dëgjon për herë të parë sonte në Opinion!”, shkruan Berisha. /55news.al/