Të shumtë janë shqiptarët që emigrojnë jashtë vendit në kërkim të më shumë mundësive për një jetë dinjitoze.

Madje sipas shifrave nga Eurostat dhe organizmat e tjerë statistikorë, shqiptarët janë populli që kryeson listën e aplikimeve për azil në vendet e BE-së, duke lënë pas edhe marokenët. Vetëm në vitin 2017 kanë aplikuar për azil 27.500 shqiptarë një shifër e frikshme nëse marrim në konsideratë popullsinë totale vendase prej 2.9 milion banorësh. Greqia ka qenë një vend alternativ për shumë shqiptarë për vite të tëra dhe me sa duket vazhdon të jetë. Edhe pse në vitin 2018-të, shumë të rinj shqiptarë shkojnë në Greqi në këmbë duke ndjekur rrugët e “malit”. Një i ri ka filmuar rrugën teksa janë duke ikur për në Greqi, dhe e ka dërguar për JOQ.al, teksa e komenton:

Ore qirje Bushati, Rama mu palikari mu, palikari...

Viti 2018, çunat në këmbë për Greqi, shikojeni mes pyllit dhe arushës, ju përshëndesim o Ramë nga çunat e Gramshit. Hallall! Mirë ja bën Shqipërisë, t’japin votat ty ata, ti mirë ua bën. Ti me gjithë ata tjerët, bashkë me Sali Berishën, edhe ai është kokrra e legenit.

Kam shumë, shumë fjalë banale për t’ju thënë, por nuk ma lejon ndërgjegjja se ka shumë motra dhe nëna shqiptare që mund ta shohin këtë video dhe djemtë e tyre që torturohen kështu. Kemi dy ditë që ecim këmbë dhe vazhdojmë akoma të ecim në këmbë mes pyllit o Rama.

O Rama kam qenë në mes të Tiranës në punë, jam specialist për dru-alumin, por u detyrova dhe lashë punën, sepse nuk paguaja dot taksat e tua.

Me 300 mijë lekë rrogë çfarë mund të bëja unë në muaj?! A mund t’ia dilja dot kur ti doje nga unë 80 mijë lekë drita, e 20 mijë lekë i donte lali Eri. Me këto 200 mijë lekë që ngelshin çfarë mund të bëja unë?! Të mbaja fëmijën? Familjen?

O Rama thirri mendjes, bëhu njëherë për shqiptarët, bëhu njëherë me emër.”

Taksat janë rritur dhe vazhdojnë të rriten, diçka nuk shkon...