Shqiptarët nuk kanë më një kryeministër dhe një qeveri me agjendë të përcaktuar. Lëvizjet e Ramës që pas lënies së mandateve nga opozita, po bëhen në mënyrë ilegale. Kjo për faktin se në çdo qytet që ai po shkon, shqiptarët e zemëruar nga keqqeverisja e kanë vrarë frikën.
Tashmë kryeministri e ka frikë popullin që qeveris.
Kryeministri ilegal nën panikun e protestës qytetare, anulon agjendat e takimeve. Para se të niset në një qytet mediat pranë tij raportojnë se do të jetë në Shkodër dhe të nesërmen ai shfaqet në Durrës.
Kjo është një taktikë që Rama, i njohur edhe si frikacak, ka zgjedhur për të mos u përballur me qytetarë të mërzitur nga çmimet e larta, taksat e larta, rrogat e ulëta, mungesa e ushqimeve për të mbyllur ditën, mungesa e sigurisë, mungesa e shpresës.
Frika e tij shtohet kur opozita dhe shqiptarët caktojnë protestën e radhës. Në atë ditë ai nuk do të jetë në Tiranë. Zgjedh të largohet me qindra kilometra larg marshimeve popullore. E ka bërë në 16 shkurt, e ka bërë edhe ën 16 mars.
Duket qartë se Rama po fshihet, të vetmit që nuk po fshihen në këtë situatë janë bandat e tij që bëjnë karshillik dhe gjejnë kurajë të vrasin e të trafikojnë drogë.