Dorian Protoduari rrjedh nga një familje e persekutuar, të cilës sistemi komunist i ka marrë gjithçka. Ai është pinjoll i të përndjekurve politikë dhe ashtu po i ndodh edhe atij vetë.
Pinjolli i komunistëve, i cili i ka etër shpirtërorë ata që dhunuan familjen Protoduari, Edi Rama është duke bërë të njëjtën gjë me Dorianin.
Doriani prej javësh tashmë qëndron në burg. Pushteti, i cili ka kapur edhe drejtësisë, po bën gjithçka për ta mbajtur Protoduarin në burg sepse Edi Rama ka dhënë urdhër.
Rama e ka personale me këtë protestues, i cili është në qendër të revoltës te ‘Unaza e re', revoltë kundër kriminelëve që duan të lënë qytetarët pa shtëpi për të majmur oligarkët dhe mbushur xhepat e tyre.
Duhet thënë se Dorian Protoduari është arrestuar së bashku me Mariglen Doçi. Për fat të mirë Marigleni është lënë i lirë ndërkohë që Doriani është ende në burg.
Po si ka mundësi që me të njëjtën akuzë, me të njëjtin avokat, në të njëjtën situatë juridike Doriani nuk është lënë i lirë?
Situata është mjaft e qartë, Rama e konsideron Dorian Protoduarin si armikun e tij personal, sepse gjithçka ka bërë ai deri më tani ka qenë heroike kundër bandës së Ramës.
Fundi i kësaj historie dihet. Ai do të jetë fiks ashtu siç e tha para ca ditësh vëllai i Dorianit: “Bëj durim vëllai im se populli është çuar”. 55news.al