Bardhi: Urdhër politik për të sulmuar protestuesit, Sandër Lleshi një mbetje e komunizmit

Hënë, 15 Prill 2019 13:55

Gazmend Bardhi, Sekretar i Përgjithshëm i Partisë Demokratike ka dhënë një deklaratë për mediat sapo ka dalë nga Prokuroria, ku ka dëshmuar për dhunën që Policia ka ushtruar mbi protestuesit.

Ai theksoi se sot janë 40 protestues që mbahen të arrestuar, në kohë kur ndaj tyre nuk ka asnjë provë filmike se kanë ushtruar dhunë gjatë protestës. Nga ana tjetër, meqënëse Prokuroria nuk nisi asnjë hetim për sulmin që bëri policia mbi protestuesit, qe detyrë e PD-së për ta bërë këtë.

Bardhi akuzoi Prokurorinë se po bëhet shtojcë e qeverisë dhe në veçanti Ministrin e Brendshëm Sandër Lleshi, si mbetje e kohës së komunizmit.

“Isha sot në Prokurori për të dhënë sqarime lidhur me padinë e ngritur nga PD ndaj akteve të dhunës të Policisë mbi protestuesit. Drejtuesit e Policisë me urdhër politik kanë sulmuar protetsuesit.

Prokuroria ka pasur detyrimin që bazuar nga denoncimet në media, të niste hetimin, por nuk ndodhi ndaj detyroi PD-në që të bëjë denoncimin me shkrim.

I bëra thirrje Prokurorisë të ngrihet në lartësinë e detyrë së vet dhe të kujtojë se nuk është më në vartësinë e Ministrisë së Brendshme.

Sot ka 40 qytetarë në burg pa asnjë provë, pa asnjë filmim a provë që të thotë se kanë ushtruar dhunë.

E keni dëgjuar besoj se Ministri i Brendshëm e konsideroi protestën ngjarje të jashtëzakonshme kriminale, kurse vjedhjen në aeroport, si incident. Sipas qeverisë, qytetarit duhet të tentohet t’i shtypet koka.

Apeli im është për gjyqtarët dhe prokurorët: Nuk kanë për të kaluar vetingun duke i shërbyer në mënyrë kriminale qeverisë. Fundi i atyre që i i shërbejnë në mënyrë kriminale qeverisë, do të jetë njesoj si fundi i kësaj qeverie.

Ministri i Brendshëm është një mbetje e kohës së komunizmit që e quan protestën si puç protestues. Ai është një mbetje e komunizimit, kohë që ka përfunduar 30 vite më parë. Nuk do të ketë asnjë që të trembë qytetarët të protestojnë, e drejta e tyre është fituar 28 vite më parë. Vetëm për një mbetje të komunizimit si Sandër Lleshaj, protesta është puç kushtetuese.

Verifikoni se kur kanë hyrë aktorët policë në spitalin e Traumës. Vërtetohet se ata kanë hyrë dhe kanë dalë bashkë me ministrin, si të dhunuar.

Por, protesta ka qënë akt paqesor.”

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...