Gjekmarkaj për Lleshin: Zelli për t’i shërbyer Ramës, e ka shndërruar në ‘Rilindas’

Saturday, 20 Prill 2019 18:43

Në një intervistë mbrëmjen e djeshme në emisionin “Provokacija” në Abc News, analisti dhe pedagogu Agron Gjekmarkaj ka folur për Gjuhën Shqipe, për kulturën e historinë, dhe ka analizuar çështje si raportet e gegnishtes me normën letrare, etj.

Por analisti “u ngacmua” edhe lidhur me Ministrin e Brendshëm, Sandër Lleshaj, duke i kujtuar se Gjekmarkaj e ka mbështetur në fillim dhe e ka vlerësuar, por më pas e ka sulmuar.

Sipas tij, zelli për t’i shërbyer Ramës, e ka shndërruar atë në ‘Rilindas’. Kjo e ndan Gjekmarkajn me Lleshin.

Sipas analistit dhe pedagogut, përdorimi i gazit kundër protestuesve, ka qënë i tepruar dhe i dënueshëm.

Pjesë nga intervista:

Nano: Pjesa katolike mund të ndihet nën presion pasi në numra është e vogël, por ka një rol të madh në histori, pasi feja tjeter është e madhe në numra, nga ana tjetër ka ndjenjën e krenarisë për rolin që ka luajtur në histori. (Unë mendoj se pa katolikët s’do kishte Shqipëri) A ndjehet ky presion ndaj katolikëve?

Gjekmarkaj: Nuk ndjej se ka presion mbi katolikët, në shkollë apo në punë, ndoshta politika luan me raportet e përfaqësimit. Pikëpamja ime personale: Duhet të ishin më të përfaqësuar në institucionet shtetërore, por e rëndësishme është që ata që janë të jenë cilësor. Si katolik kultuoror them se s’ka rëndësi kush është, por duhet të jetë cilësor.

Nano: Një katolik kulturor tjetër, që ti e ke kritikuar, edhe ti edhe Marku, nuk i latë as kohë…është Aleksandër Lleshaj.

Gjekmarkaj: Jo unë në fillim e kam mbështetur, më pas e kam kritikuar.

Nano: Por e keni dërrmuar me kritika…

Gjekmarkaj: Nuk e ka dërrmuar shumë… Unë s’kam ndryshuar mendim nëse është i ndershëm apo i pandershëm, nëse është i lidhur me drogën. Unë mendoj se z. Lleshaj që e kam patur mik, është akoma i ndershëm e korrekt. Por shoh një zell e mirënjohje të tij për Edi Ramën. Unë nuk e mendoj të jetë kundër, por e kam menduar më të tërhequr, por sot shoh se statuset e tij ngjajnë me ato të zyrës së shtypit. Pikërisht për këtë i kam bërë kritikat; përshtatja, zelli që po tregon me përdorimin e gazit, apo protestën e studentëve s’më kanë lënë shije të mirë…kam menduar se do të jetë i tërhequr.

Nano: S’ka pasur dhunë nga policia në protestë

Gjekmarkaj: S’ka pasur dhunë as nga opozita, s’mund të quaj dhunë gërvishtjen, apo disa të rinj që i afrohen policisë. Përdorimi i gazit ka qenë i egër. Po kështu ndërhyrja e policisë në universitet më ka shqetësuar. Shoh një polici agresive me njerëzit e opozitës. Arrestimet pas çdo proteste, kjo të çon tek burgosja politike, burg të ndërgjegjes. Pra e kam parë ministrin e Brendshëm të përfshirë. Policia ka shumë zell…Kam menduar se Gjenerali do ishte më shumë shtetar se sa pushtetar.

Nano: Mendoj se duhet t’i jepni më shumë kohë, është njeri i ndershëm…

Gjekmarkaj: Ka kulturën që ka patur dhe ndershmërinë, por në sjelljen politike duhet kritikuar.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...