“Gati për këtë marshim historik”, Basha para protestuesve: Qeveri tranzitore pa përdhunuesin serial të zgjedhjeve

Hënë, 13 May 2019 19:20

Kreu i Partisë Demokratike, Lulzim Basha përsëriti kërkesën e opozitës, një kryeministër tranzitor për të zhvilluar zgjedhje të lira dhe të ndershme.

“Zgjedhje të lira dhe ndershme, qeveri tranzitore pa përdhunuesin serial të zgjedhjeve, me një kryeministër tranzitor për të çliruar zgjedhjet. Banditë me uniformë urdhëruan policët të shoqëronin dhjetëra protestues. Policia e dhunuar nga krimi nuk bën detyrat e saj. Krimi qeveris. Policia e dhunuar nga krimi hesht dhe një tufë banditësh dhe kriminelë me uniformë dhunojnë qytetarët. Gati jemi për marshimin historik të protestës. Do të jemi të gjithë bashkë në këtë marshim, marshimin tonë të lirisë, demokracisë, kundër dhunës qeveritare. A jeni gati apo jo?”, tha ai.

Basha tha protestuesve të opozitës, tha se qeveria iu përgjigj thirrjes së opozitës për votën e lirë me dhunë dhe gaz helmues.

“Vetëm 48 orë më parë, shqiptarët u bashkuan në një protestë të jashtëzakonshme për të kërkuar një të drejtë të pakështuezueshme, garancinë për lirinë dhe dinjitetin e çdo shqiptari, votën e lirë dhe të ndershme. Qeveria dhe kryeministri ilegjitim iu përgjigj thirrjes tonë me dhunë barbare, me provokime, me rrahje, me gaz helmues.

Përgjigja e vetme e Edi Ramës ishte dhuna. Me dhunë i mori zgjedhjet, ky është kryeministër ilegjitim. Tash, dy vjet Prokuroria ka vetëm një mision; të ndalë hetimin e dosjeve kriminale ku janë kapur kupola e Rilindjes me kupolën e mafies për të blerë votën”, tha Basha.

Basha u shpreh se bashkimin e opozitës nuk e shuan dot dhuna barbare e Edi Ramës.

“Ne jemi sot në këtë marshim-protestë për të thënë qartë; refuzojmë dhunën e qeverisë së ardhur me dhunë. Ne do t’i përgjigjemi me bashkimin e shpirtrave tanë, me fuqinë e pjesëmarrjes, me fuqinë e vendosmërisë dhe shpresës që ka lindur që nuk e shuan dot as shiu i bekuar i Perëndisë dhe as më pak dhuna barbare e Edi Ramës dhe veglave të tij kriminale. Ejani me ne që ta çlirojmë Shqipërinë nga krimi dhe korrupsioni. Ne jemi në këtë betejë për kushtetutë, për ligj, për dinjitetin dhe lirinë e cdo shqitpari”, tha ai.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

SuperKupa/ Partizani-Kukësi, ja formacionet zyrtare

Sport

SuperKupa/ Partizani-Kukësi, ja formacionet zyrtare

Partizani dhe Kukësi do të pëballen midis tyre në finalen e Superkupës së Shqipërisë ditën e sotme, në stadiumin “Elbasan Arena”. Të dyja ekipet, vijnë me trajnerë të rinj nga...

Krim monstruoz, shqiptari ther me thikë ish-bashkëshorten dhe partnerin e saj në Gjermani

Aktualitet

Krim monstruoz, shqiptari ther me thikë ish-bashkëshorten dhe partnerin e saj në Gjermani

Një shtetas nga Kosova vrau me thikë kuzhine ish-gruan e tij dhe partnerin e saj. Krimi makabër ndodhi ditën e sotme në qytetin e Saurleandit. Viktimat humbën jetën si pasojë e...

Ish Prefekti-Prefektit/ Ja shkeljet që po bën. Ademi legjitime si kryebashkiake

Politikë

Ish Prefekti-Prefektit/ Ja shkeljet që po bën. Ademi legjitime si kryebashkiake

Shkodra vazhdon të jetë në qendër të situatës politike në vend. Pas dorëheqje së Valdrin Pjetrit si kandidat për kryebashkiak, sepse është i arrestuar, dënuar dhe dëbuar nga Italia, Edi...

Sondazh

Nothing found!

Sondazh

Nothing found!